BEED |💥परळीत मुंडे बालेकिल्ल्याला राष्ट्रवादीचे ‘शक्ती’ आव्हान!

– शरदचंद्र पवार गटाचे परळीत मोठे शक्तिप्रदर्शन.

– खासदार बजरंग सोनवणे यांच्या हस्ते प्रचार शुभारंभ.

– संकट मोचन हनुमान मंदिरात प्रचाराचा नारळ फोडला.

– परळी नगरपालिका निवडणुकीच्या प्रचारात ‘राष्ट्रवादी’चे रणशिंग!

मुंडे बहीण-भावाचा बालेकिल्ला असणाऱ्या परळीत राष्ट्रवादी कॉंग्रेस-शरदचंद्र पवार गटाने मोठे शक्तिप्रदर्शन केले आहे. आज परळी नगरपालिका निवडणुकीच्या प्रचाराचा खासदार बजरंग सोनवणे यांच्या हस्ते शुभारंभ करण्यात आला आहे. यावेळी परळी शहरातील मोंढा मार्केट परिसरातील संकट मोचन मंदिर म्हणून ओळखल्या जाणाऱ्या हनुमान मंदिरामध्ये प्रचाराचे नारळ फोडले आहे.

यावेळी जिल्ह्याचे खासदार बजरंग सोनवणे, शरद पवार गटाचे प्रदेश सरचिटणीस राजाभाऊ फड, नगराध्यक्ष पदाच्या उमेदवार सौ. संध्या दीपक देशमुख, राष्ट्रवादी गटाचे सर्व परळी शहरातील नगरसेवक, पदाचे उमेदवार उपस्थित होते.

एनटीव्ही न्यूज मराठी, बीड