📰 बीडमध्ये तणाव : निवडणूक प्रचारापूर्वीच भाजप-एमआयएमचे कार्यकर्ते आमने-सामने, जोरदार घोषणाबाजी!

* बीड नगरपालिका निवडणुकीमुळे राजकीय वातावरण तापले.

* भाजप नेते डॉ. योगेश क्षीरसागर समोरून जात असताना एमआयएमच्या कार्यकर्त्यांची घोषणाबाजी.

* नगरपरिषद कार्यालयासमोर उमेदवारी अर्जांची छाननी सुरू असताना कार्यकर्त्यांची गर्दी.

* पोलिसांच्या वेळीच हस्तक्षेपाने मोठा अनपेक्षित प्रसंग टळला.


BEED |बीड नगरपालिका निवडणुकीवरून बीडमध्ये चांगलंच राजकीय वातावरण तापलं आहे. यातच भर म्हणून आता बीडमधील घोषणाबाजीचा प्रकार घडलाय. आज सकाळपासून नगरपरिषद कार्यालयासमोर उमेदवारी अर्जांची छाननी सुरू होती. त्यामुळे याठिकाणी कार्यकर्त्यांची मोठी गर्दी होती.

यादरम्यान भाजप नेते डॉ. योगेश क्षीरसागर हे कार्यालयासमोरून जात असताना एमआयएमच्या उमेदवारांसह कार्यकर्त्यांनी जोरदार घोषणाबाजी केली. यादरम्यान वेळीच पोलिसांनी हस्तक्षेप केल्यामुळे अनुचित प्रसंग टळला, मात्र काही काळ तणावाचे वातावरण होते.

एनटीव्ही न्यूज मराठी, बीड