हकीगत अशी की, मा. श्री सोमनाथ घार्गे साहेब, पोलीस अधीक्षक अहिल्यानगर यांनी स्थानिक गुन्हे शाखेस अहिल्यानगर जिल्ह्यामध्ये अवैधरित्या गौणखनिजांचे उत्खनन करुन वाहतुक करणारे इसमांची माहिती काढुन कारवाई करणेबाबत आदेश दिलेले आहे.
सदर आदेशानुसार स्थानिक गुन्हे शाखेचे पोलीस निरीक्षक श्री किरणकुमार कबाडी यांचे मार्गदर्शनाखाली स्थानिक गुन्हे शाखेतील पोउपनि/ समीर अभंग पोलीस अंमलदार ह्रदय घोडके, लक्ष्मण खोकले, शामसुंदर जाधव भिमराज खर्से, भाऊसाहेब काळे यांचे पथक तयार करुन सदर पथकास अवैधरित्या गौणखनिजांचे उत्खनन करुन वाहतुक करणारे इसमांची माहिती काढुन कारवाईकरणेबाबत सुचना व मार्गदर्शन करुन पथक रवाना केले.
वरील पथक दिनांक 30/11/2025 रोजी पहाटे जामखेड पोलीस ठाणे हद्दीमध्ये अवैधरित्या गौणखनिजांचे उत्खनन करुन वाहतुक करणारे इसमांची माहिती काढत असतांना पथकास आरणगांव ते हाळगांव रोडने ट्रॅक्टर ट्रॉली मध्ये गौणखनिज वाळु भरुन चोरुन चौंडीवरुन हळगांव मार्गे फक्राबाद कडे जाणार असल्याची माहिती मिळाली. पथकाने तात्काळ फक्राबाद गांवचे शिवारामध्ये हॉटेल मामाश्री जवळ जावुन सापळा रचुन थांबले असता बातमीतील वाहन येतांना दिसले. त्यावेळी पथकाची खात्री झाल्याने पथकाने नमुद ट्रॅक्टर थांबवुन खात्री केली असता ट्रॅक्टरच्या ट्रॉलीमध्ये वाळु भरलेली असल्याचे दिसुन आले. पथकाने ट्रॅक्टर चालकास त्याचे नांव गांव विचारता ट्रक चालकाने त्याचे नांव 1) रविंद्र उर्फ राम बाबासाहेब उबाळे वय – 26 वर्षे रा. चौंडी, ता. जामखेड जि. अहिल्यानगर असे असुन चालक माल मी स्वतः असल्याचे सांगितले.आहे. त्यास सदर वाळु वाहतुकी बाबत परवाना आहे काय? याबाबत विचारले असता त्याचेकडे कोणतेही परवाना अगर रॉयल्टी पावती नसल्याचे सांगितले आहे.
ताब्यातील इसमाचे कब्जातुन 10,000/- रुपये किमतीची 01 ब्रास वाळु व 5,00,000/- रुपये किमतीची ट्रॅक्टर ट्रॉली असा एकुण 5,10,000/- रुपये किमतीचा मुद्देमाल जप्त करुन पोना/1566 शामसुंदर अंकुश जाधव नेम – स्थानिक गुन्हे शाखा, अहिल्यानगर यांचे फिर्यादीवरुन जामखेड पोलीस ठाणे गु.र.नं. 636/2025 भारतीय न्याय संहिता 2023 चे कलम 303 (2) प्रमाणे गुन्हा दाखल करण्यात आला असुन पुढील तपास जामखेड पोलीस स्टेशन करीत आहेत.
सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
जामखेड,अहिल्यानगर