जामखेड हॉटेल गोळीबार प्रकरण: ३ आरोपींना बेड्या; २२ डिसेंबरपर्यंत पोलीस कोठडी

• हॉटेल कावेरीचे मालक रोहित पवार यांच्यावरील हल्ला प्रकरणाचा छडा..!
• आरोपींकडून गावठी कट्टा व DVR जप्त; पुढील तपास सुरू..!

जामखेड प्रतिनिधी | दि. २० डिसेंबर

अहिल्यानगर: जामखेड येथील बीड रोडवरील हॉटेल कावेरीचे मालक रोहित अनिल पवार यांच्यावर झालेल्या गोळीबार प्रकरणी जामखेड पोलिसांनी मोठी कारवाई केली आहे. या प्रकरणातील तीन आरोपींना अटक करण्यात आली असून, न्यायालयाने त्यांना २२ डिसेंबरपर्यंत पोलीस कोठडी सुनावली आहे.

अटक करण्यात आलेले आरोपी

पोलीस निरीक्षक दशरथ चौधरी यांच्या मार्गदर्शनाखालील पथकाने गुप्त माहितीच्या आधारे खालील आरोपींना ताब्यात घेतले:

1. उल्हास विलास माने उर्फ वस्ताद (रा. जाबवाडी रोड, जामखेड)
2. शुभम शहराम लोखंडे (रा. आष्टी, जि. बीड)
3. बालाजी शिवाजी साप्ते (रा. आष्टी, जि. बीड)

अहिल्यानगरमध्ये लावला सापळा

पोलिसांना मिळालेल्या माहितीनुसार, आरोपी अहिल्यानगर येथील नगर-सोलापूर रोडवरील ‘शाम हॉटेल’ समोर उभे होते. पोलिसांनी त्या ठिकाणी सापळा रचून शुभम लोखंडे आणि बालाजी साप्ते यांना ताब्यात घेतले. अटक केलेल्या एका आरोपीकडून गावठी कट्टा आणि एक DVR हस्तगत करण्यात आला आहे. हा कट्टा या गोळीबारात वापरला होता का, याचा तपास आता पोलीस करत आहेत.

मुख्य संशयित अद्याप फरार

या प्रकरणी एकूण ६ ते ७ जणांविरुद्ध गुन्हा दाखल असून, काही प्रमुख आरोपी अद्याप फरार आहेत:

• अक्षय उर्फ चिंग्या विश्वनाथ मोरे (रा. भवरवाडी, ता. जामखेड)
• हर्षद अमीन सय्यद (रा. कडा, ता. आष्टी, जि. बीड)
• अन्य अनोळखी ६ ते ७ साथीदार.

प्रतिनिधी नंदु परदेशी,

एनटीव्ही न्यूज मराठी, अहिल्यानगर.