बाळापूर पोलिसांची धडक कारवाई! नाकाबंदीत विद्युत तारेसह बोलेरो जप्त; ४ लाख ३० हजारांचा मुद्देमाल हस्तगत..!

• गोपनीय माहितीच्या आधारे सापळा; एका आरोपीला घेतले ताब्यात..!

(अकोला; दि. ०३ जानेवारी)

बाळापूर (अकोला): बाळापूर पोलिसांनी अत्यंत सतर्कता दाखवत गोपनीय माहितीच्या आधारे केलेल्या नाकाबंदीमध्ये एका बोलेरोसह मोठ्या प्रमाणावर विद्युत तार जप्त केली आहे. या कारवाईत एकूण ४ लाख ३० हजार रुपयांचा मुद्देमाल हस्तगत करण्यात आला असून एका संशयित आरोपीला पोलिसांनी ताब्यात घेतले आहे.

जप्त करण्यात आलेल्या मुद्देमालाचा तपशील

पोलिसांनी नाकाबंदी दरम्यान संशयास्पद बोलेरो गाडी थांबवून तपासणी केली असता, त्यात चोरीची विद्युत तार आढळून आली. जप्त केलेल्या साहित्याची किंमत खालीलप्रमाणे आहे:

कारवाई करणारे पोलीस पथक

ही यशस्वी कारवाई बाळापूर पोलीस स्टेशनच्या पथकाने केली. या कारवाईमध्ये प्रकाश झोडगे (पोलीस निरीक्षक, बाळापूर), संभाजी हिवाळे (सहाय्यक पोलीस निरीक्षक) तसेच अनंत सुरवाडे, अंकुश मोरे, रफीक व अन्य सहकारी आदी पोलिस अधिकाऱ्यांचा आणि कर्मचाऱ्यांचा समावेश होता.

पुढील तपास सुरू

मिळालेल्या माहितीनुसार, या प्रकरणी एका आरोपीला जागीच ताब्यात घेण्यात आले आहे. ही विद्युत तार कोठून चोरली होती आणि यामध्ये आणखी कुणाचे धागेदोरे आहेत का, याचा अधिक तपास बाळापूर पोलीस करत आहेत. विद्युत वाहक तारांच्या चोरीमुळे महावितरणचे मोठे नुकसान होत असल्याने, या कारवाईमुळे अशा चोऱ्या करणाऱ्यांचे धाबे दणाणले आहेत.

प्रतीनिधी अमोल जामोदे,

एनटीव्ही न्यूज मराठी, बाळापुर, अकोला.