लोणीकंद पोलीस स्टेशन पुणे शहर पोलीसांची कामगिरी
पुणे : खुनाच्या गुन्ह्यातील अज्ञात आरोपीला १२ तासात जेरबंद करण्याची कामगिरी लोणीकंद पोलीस स्टेशन पुणे शहर पोलीसांनी केली.शमशूल अली अहमद खान रा.उत्तरप्रदेश असे अटक करण्यात आलेल्या आरोपीचे नाव आहे.
लोणीकंद पोलीस स्टेशनचे पोलीस अधिकारी बाळासाहेब सकाटे यांनी याबाबत दिलेल्या माहितीनुसार, दिनांक २६/१/२०२३ रोजी लोणीकंद पोलीस स्टेशन पुणे शहर हद्दीत मौजे वढू गावच्या हद्दीत तुळापूर ते लोणीकंद रोडवर हॉटेल सिताई समोर ता.हवेली येथे कंटेनर नं. डी.एन.०९ आर ९०५८ यामध्ये एक इसम जखमी व रक्ताच्या थारोळ्यात बेशुध्द अवस्थेत मिळून आल्याबाबत पोलीस स्टेशनला माहिती प्राप्त झाली. त्या अनुषंगाने सदर इसमास ससून हॉस्पिटल पुणे येथे पुढील उपचारकामी घेवून गेलो असता नमूद इसमाच्या डोक्यात कोणत्या तरी अवजड हत्याराने मारहाण करून त्याचा खून केला असल्याचे निष्पन्न झाल्याने २७/०१/२०२३ रोजी कंटेनर मालकाने अज्ञात आरोपीविरुद्ध दिलेल्या तक्रारीवरून लोणीकंद पोलीस स्टेशनमध्ये गुन्हा नोंद करण्यात आला.
वरिष्ठ पोलिस निरीक्षक गजानन पवार यांनी तात्काळ आरोपीचा शोध घेणेकामी दोन पथके रवाना केली. तपासादरम्यान एक पथक इंदापूर, पाटस दौंड या भागातील टोलनाक्यांवरील सी सी टी व्ही फुटेज पाहणीकरता रवाना झाली. तपास पथकाचे सहाय्यक पोलीस निरीक्षक गजानन जाधव व त्यांच्या पथकाने दाखल गुन्ह्यातील फिर्यादी कंटेनर मालक संजय रामफल कालीरामना रा.गुजरात याच्याकडे अधिक तपास केला असता त्याने त्यांच्याकडे ड्रायव्हर म्हणून काम करीत असलेला शमशूल अली अहमदखान रा.उत्तर प्रदेश हा मयत इसम नामे शहजाद अब्दूल कयुम अहमद याच्यासोबत तामिळनाडू येथून चाकण,पुणे येथे कंटेनर मधील माल पोहचविण्यासाठी आला असल्याचे सांगून परंतू घटना घडल्यानंतर शमशूलखान हा टेंभुर्णीमार्गे नाशिककडे गेल्याचे समजले. यावरून संशयित इसम शमशूलखान याचा शोध घेवून त्यास ताब्यात घेणेकामी सहाय्यक पोलीस निरीक्षक गजानन जाधव यांचे पथक रवाना होवून त्याचा तांत्रिक विश्लेषणाद्वारे शोध घेवून त्यास ताब्यात घेतले. त्यास विश्वासात घेवून अधिक चौकशी केली असता त्याने गुन्हा हा मयत इसम शहजाद याच्यासोबत रस्ता चुकल्याचे कारणावरून झालेल्या वादातून त्याचा खून केल्याची कबुली दिल्याने त्यास दाखल गुन्ह्यात अटक करण्यात आली.सहाय्यक पोलीस निरीक्षक गजानन जाधव पुढील अधिक तपास करत असून अप्पर पोलीस आयुक्त रंजनकुमार शर्मा, पोलीस उपायुक्त परिमंडळ -४ शशिकांत बोराटे , सहाय्यक पोलीस आयुक्त किशोर जाधव , वरिष्ठ पोलीस निरीक्षक गजानन पवार, पोलीस निरीक्षक गुन्हे मारूती पाटील यांच्या मार्गदर्शनाखाली सहाय्यक पोलीस निरीक्षक निखिल पवार, सुहास पाटील, गजानन जाधव, पोलीस अंमलदार कैलास उगले, सारंग दळे, अमित देशमुख, बाळासाहेब सकाटे, कैलास साळूंके, सागर जगताप, विनायक साळवे, स्वप्निल जाधव, अमोल ढोणे, साईनाथ रोकडे, समीर पिलाणे, पांडूरंग माने यांनी ही कामगिरी केली.