NANDED | 🗳️ “दिलीपराव धर्माधिकारी यांचे पक्षासाठी मोठे योगदान, पक्षश्रेष्ठी निश्चितच विचार करेल!” – आ. प्रतापराव पाटील चिखलीकर

• नांदेडच्या नायगाव तालुक्यातील बरबडा येथे राष्ट्रवादी (अजित पवार गट) ची रणधुमाळी सभा.
• माजी खासदार तथा आमदार प्रतापराव पाटील चिखलीकर यांची उपस्थिती.
• दिलीपराव धर्माधिकारी यांच्या एकनिष्ठ योगदानाची माजी आमदार चिखलीकर यांनी केली प्रशंसा.
• पक्षश्रेष्ठी बरबडा सर्कलमधून त्यांना तिकीट देण्यासाठी सकारात्मक असेल, असा विश्वास व्यक्त.
  

नांदेडच्या नायगाव तालुक्यातील बरबडा येथील राष्ट्रवादी (अजित पवार गट) आयोजित जिल्हा परिषद व पंचायत समिती निवडणूक रणधुमाळी २०२५ करिता विचार सभा दिनांक २० नोव्हेंबर रोजी सायंकाळी पाच वाजता आयोजित करण्यात आली होती. या कार्यक्रमाला माजी खासदार तथा आमदार श्री प्रतापराव पाटील चिखलीकर, माजी मंत्री भास्कर पाटील खतगावकर, वसंतराव सुगावे यासह राष्ट्रवादी अजित पवार गटाचे अनेक कार्यकर्ते व बरबडा सर्कलमधील असंख्य नागरिक मोठ्या संख्येने उपस्थित होते.

यावेळी माजी खासदार तथा आमदार प्रतापराव पाटील चिखलीकर यांनी दिलीपराव धर्माधिकारी यांचे योगदान पक्षासाठी मोठे असल्याचे सांगितले. त्यांनी ‘पडघरीच्या’ काळात अजित पवार यांच्यावर विश्वास ठेवून प्रामाणिकपणे पक्षाचे काम परिसरात करून एकनिष्ठता दाखवली. माजी मंत्री भास्कर पाटील खतगावकर यांनी यावेळी बोलताना सांगितले की, दिलीप धर्माधिकारी यांनी माजी मंत्री भास्करराव पाटील खतगावकर यांच्यासोबत काम केले आहे. त्यांच्या कार्याची दखल घेऊन निश्चितच पक्षश्रेष्ठी बरबडा सर्कलमधून राष्ट्रवादी पक्षाकडून तिकीट देण्यासाठी सकारात्मक असेल. आम्ही निश्चितच पक्षाकडे दिलीप धर्माधिकारी यांची बाजू मांडू, असे उद्गार माजी मंत्री भास्कर पाटील खतगावकर यांनी यावेळी काढले.

एनटीव्ही न्यूज मराठी, नांदेड