- बिबट्या दिसल्याची चर्चा वनविभागाने अफवा ठरवली होती.
- ढवण वस्ती, कचरा डेपो परिसरात आढळली तीन बिबट्याची पिल्ले.
- बिबट्याचे पिल्ले आढळल्याने नागरिकांमध्ये भीतीचे वातावरण.
- वनविभागाने बिबट्या असल्याची माहिती का लपवली?
अहिल्यानगर शहराच्या अगदी जवळच असलेल्या कचरा डेपो (ढवण वस्ती) परिसरात काही दिवसांपूर्वी बिबट्या दिसल्याची चर्चा होती. मात्र, त्यावेळी वनविभागाने बिबट्या नसून ती केवळ अफवा आहे, असे सांगत या चर्चा फेटाळून लावल्या होत्या.
मात्र, आज याच परिसरात चक्क तीन बिबट्याची पिल्ले आढळून आल्याने नागरिकांमध्ये मोठी भीती पसरली आहे. वनविभागाने परिसरात बिबट्या असल्याची माहिती का लपवली, असा प्रश्न आता नागरिक विचारत आहेत. शहराच्या इतक्या जवळ बिबट्याची पिल्ले आढळल्याने स्थानिकांच्या सुरक्षिततेचा मुद्दा ऐरणीवर आला असून, वन विभागाने तात्काळ यावर योग्य ती कारवाई करावी, अशी मागणी जोर धरत आहे.
एनटीव्ही न्यूज मराठी, अहिल्यानगर.