जळगाव जिल्ह्यातील यावल शहरात गुणवंत विद्यार्थ्यांचा गुणगौरव सोहळा प्रेरणादायी वातावरणात पार पडला. गुणवंत विद्यार्थ्यांचा सत्कार हा केवळ पुरस्कार देण्याचा कार्यक्रम नसून, नव्या पिढीच्या मनात शिक्षणाची आवड, स्पर्धेची प्रेरणा आणि समाजाबद्दलची कृतज्ञता निर्माण करण्याचा प्रयत्न असल्याचा संदेश यावेळी देण्यात आला.
समाजातील विद्यार्थ्यांनी मोठी स्वप्ने पाहून ती पूर्ण करण्यासाठी कठोर परिश्रम करावेत आणि आपल्या यशाचा लाभ समाजातील इतर गरजू घटकांनाही मिळवून द्यावा, असा प्रेरणादायी संदेश या कार्यक्रमातून देण्यात आला.
कार्यक्रमाचे सूत्रसंचालन नितीन अशोक बारी आणि संगीता परमानंद बारी यांनी केले. कार्यक्रमाच्या यशस्वी आयोजनासाठी कार्यकारिणीचे अध्यक्ष निलेश नागपुरे, विलास मुरलीधर काटोले, राजेंद्र काळे तसेच माजी नगरसेवक सुनील वासुदेव खलसे-बारी यांनी विशेष परिश्रम घेतले.
“शिक्षणातून व्यक्ती घडते, व्यक्तीतून समाज घडतो आणि सुसंस्कृत समाजातून राष्ट्राची प्रगती होते,” याच विचाराला बळ देणारा हा गुणवंत विद्यार्थ्यांचा गुणगौरव सोहळा यावल शहरात प्रेरणादायी ठरला.