प्रशासनाचे दुर्लक्ष कारवाई का ? नाही
मोरगाव : बारामती तालुक्यातील पश्चिम भागात काही गावातून हा व्यवसाय राजरोसपणे सुरूच आहे. या व्यवसायामुळे अनेकांचा जीव धोक्यात आहे. दरमहा लाखो रुपयांची या माध्यमातून उलाढाल होते. स्थानिक प्रशासन व शासन नियंत्रित गॅस कंपन्या चे अधिकारी आर्थिक लाभापोटी याकडे दुर्लक्ष करीत असल्याचा आरोप आहे. याबाबत वरिष्ठांनी दखल घ्यावी अशी मागणी आहे.
तालुक्यातील काही प्रतिष्ठित तसेच तरुण व्यावसायिक या जाळ्यात सहभागी आहेत. रात्रीच्या अंधारात ह्या संपूर्ण गैर व्यवसाय चालवला जातो. अल्पावधीत हजारो रुपये मिळत असल्याने या गुन्हेगारी वृत्तीकडे तरुणांचा कल वाढला आहे. केवळ आर्थिक लाभापोटी जीव धोक्यात घालून यामध्ये काम केले जाते.
ग्रामीण भागातील भारत पेट्रोलियम यासह हिंदुस्तान पेट्रोलियम व इंडियन ऑइल या शासन नियंत्रित कंपन्याकडून घरगुती वापरासाठी वितरित होणारे सिलेंडरच्या टाक्या अनधिकृत पणे व्यावसायिक सिलेंडर मध्ये भरण्यात येतात. या दरम्यान रिफिलिंग हे बेकायदेशीर व धोकेदायक पद्धतीने केले जाते. गेल्या अनेक वर्ष बारामतीच्या सुपा परिसरात हा व्यवसाय सुरू असल्याचे स्थानिक लोक सांगतात.
संपूर्ण रात्रभर यासाठी निर्जन लोकोस्ती नसलेल्या ठिकाणी हे काम सुरू असते. प्रशासनातील अनेक अधिकारी व कर्मचारी यांना याबाबत माहीत असूनही कारवाई होत नसल्याने प्रश्नचिन्ह आहे. बारामती सह पुरंदर तालुक्यातील गॅस वितरक एजन्सी चालकही या गैरव्यवसायिकांना छुप्या पद्धतीने घरगुती टाक्या पुरवठा करीत असल्याचे सांगण्यात येते. याबाबत वरिष्ठ प्रशासनाने तत्काळ दखल घ्यावी अशी मागणी समोर आली आहे.एन टीव्ही न्यूज साठी प्रतिनिधी- मनोहर तावरे बारामती