- हिंदू समाजाच्या सक्षमीकरणासाठी ‘नशा मुक्त’ आणि ‘कोर्ट-कचेरी मुक्त’ समाज घडवण्याचे आवाहन..!
गोंदिया प्रतिनिधी, (दि. १५ डिसेंबर)
गोंदिया: गोंदिया जिल्ह्यात लोधी समाजाच्या वतीने आयोजित ‘युवक युती परिचय मेळावा’ आणि ‘गुणवंत विद्यार्थी सत्कार सोहळ्या’ला संबोधित करताना तेलंगणा राज्यातील लोधी समाजाचे नेते आणि आमदार टी. राजा सिंह यांनी अत्यंत वादग्रस्त आणि आक्रमक विधानं केली.
‘योद्धा बनाल तरच जगाल’
आमदार टी. राजा सिंह यांनी लोधी समाजातील बांधवांना आवाहन करताना म्हटले:
- लोधी समाजाने आपसी वादात कोर्ट, कचेरी आणि पोलीस ठाण्यात वेळ आणि पैसे वाया घालवू नयेत. त्याऐवजी समाजातील लोकांना सोबत घेऊन तंटे सोडवावेत.
- त्यांनी समाजाला ‘नशा मुक्त लोधी समाज’ घडवण्याचे आवाहन केले.
- “येणारा काळ हा लढायचा आहे, योद्धा बनाल तरच जगाल,” असे विधान त्यांनी केले.
त्यांच्या भाषणात त्यांनी बाबरी मशीद आणि हिंदू धर्मांतरणावर कठोर भूमिका मांडली:
- “बाबरी मशीद आम्ही पाडली, हिंदू होण्याचा गर्व आहे, तोही लोधी समाजात जन्म घेऊन.”
- त्यांनी दावा केला की, बांग्लादेशात तयार करण्यात येणारी ‘बाबरी मशीद’ देखील लोधी समाज पाडेल, कारण हा आमचा इतिहास आहे.
डॉक्टरांच्या नावावरून वादग्रस्त सल्ला
आमदार टी. राजा सिंह यांनी हिंदू समाजाच्या लोकांना आरोग्याची काळजी घेताना डॉक्टरांकडे जाण्यापूर्वी त्यांच्या नावावरून वादग्रस्त सल्ला दिला:
- “माझ्या बहिणींनी डॉक्टरांकडे उपचारासाठी जाताना आधी डॉक्टरांच्या नावाची पाटी बघा. डॉक्टर मुस्लिम तर नाही याची खात्री करा,” असे विधान त्यांनी केले.
- काही डॉक्टर ‘हिरवी पुस्तक वाचायला लागले आहेत’, याचे उदाहरण दिल्लीत पाहायला मिळाले आहे, त्यामुळे हिंदू बांधवांनी जागे व्हावे, असा सल्ला त्यांनी दिला.
धर्मांतरण आणि पंतप्रधानांबद्दल विधान
- धर्मांतरण: काही दिवसांपासून काही लोक लोधी समाज बांधवांना पैशांचे आमिष दाखवून धर्मांतर करायला लावत आहेत. हे धर्मांतरण थांबवण्यासाठी लोकांनी एकत्र यावे.
- पाकवरील भूमिका: एका काळी देशाचा पंतप्रधान आणि गृहमंत्री ‘रिमोट कंट्रोल’वर काम करत होते. मात्र, आजचे पंतप्रधान ‘पागल’ आहेत. पाकिस्तानने हल्ला केला तर ते लव लेटर पाठवत नाहीत, तर देशावर डोळे दाखवणाऱ्या पाकिस्तानवर डायरेक्ट मिसाईल पाठवतात, त्यामुळे त्यांच्याशी वैर घेणाऱ्या लोकांनी जरा जपून चालावे, असे विधान त्यांनी केले.
‘लोधी गौरव पुरस्कार’ प्रदान
गोंदियात आयोजित या मेळाव्यात दरवर्षी लोधी समाजासाठी लढणाऱ्या एका व्यक्तीस ‘लोधी गौरव पुरस्कारा’ने सन्मानित करण्यात येते. यावर्षी नागरा गावातील रमेश कुमार लिल्हारे यांना आमदार टी. राजा सिंह यांच्या हस्ते ‘लोधी गौरव पुरस्कार’ देऊन सन्मानित करण्यात आले.
यावेळी लोधी समाजातील गुणवंत विद्यार्थ्यांचाही सत्कार करण्यात आला. गोंदिया जिल्ह्यासह भंडारा आणि बालाघाट जिल्ह्यातील लोधी समाज बांधवांनी या मेळाव्यात हजेरी लावत ‘नशा मुक्त समाज’ घडविण्यासाठी शपथ घेतली.
प्रतिनिधी राधाकिसन चुटे,
एनटीव्ही न्यूज मराठी, गोंदिया.