- खासदार अनुप धोत्रे यांच्या उपस्थितीत शेकडो कार्यकर्त्यांचे स्वागत..!
- महानगरपालिकेत भाजपच्या विजयाचा विश्वास..!
अकोला: अकोला महानगरपालिका निवडणुकीच्या तोंडावर राजकीय समीकरणे वेगाने बदलू लागली आहेत. भारतीय जनता पक्षाच्या कार्यपद्धतीवर आणि विकासकामांवर विश्वास ठेवून, शिवसेना (शिंदे गट) आणि जिंजर समाजाच्या शेकडो कार्यकर्त्यांनी आज भाजपमध्ये जाहीर प्रवेश केला. खासदार अनुप धोत्रे यांनी भाजप कार्यालयात या सर्व कार्यकर्त्यांचे स्वागत करून त्यांना पक्षाचे उपरणे घातले.
शिवसेना (शिंदे गट) कार्यकर्त्यांचा प्रवेश
शिवसेना शिंदे गटाचे शहर सचिव अमरीश शुक्ला यांच्या नेतृत्वाखाली कार्यकर्त्यांच्या मोठ्या संचाने भाजपमध्ये प्रवेश केला. यावेळी खासदार धोत्रे यांनी त्यांचे स्वागत करताना सांगितले की, “भाजप हा जगातील सर्वात मोठा पक्ष असून, सर्वांना सोबत घेऊन विकास करणारा पक्ष आहे. या कार्यकर्त्यांच्या अनुभवाचा फायदा निवडणुकीत नक्कीच होईल.”
प्रवेश केलेले प्रमुख कार्यकर्ते:
- अमरीश शुक्ला (शहर सचिव)
- गोकुळ राऊत
- सुरज शुक्ला
- अश्विन चांदोलकर
- मयूर मिश्रा आणि शेकडो सहकारी.
जिंजर समाज भाजपच्या पाठीशी
अकोल्यातील जिंजर समाजाच्या प्रमुख पदाधिकाऱ्यांनीही आज भाजपचे कमळ हाती घेतले. खासदार अनुप धोत्रे यांनी यावेळी ‘विश्वकर्मा योजने’चा उल्लेख करत पंतप्रधान नरेंद्र मोदी यांनी १८ पगड जातींना न्याय दिल्याचे सांगितले.
प्रवेश करणारे जिंजर समाज प्रतिनिधी: दीपक साकला, अजय आसुरी, घनश्याम शिशोदिया, गणेश शिषोदिया, नंदू डाबी, राहुल आसेरी, संदीप शिषोदिया आणि पवन खिचडी.
खासदार अनुप धोत्रे यांचे प्रतिपादन
प्रवेश सोहळ्यानंतर कार्यकर्त्यांना संबोधित करताना खासदार अनुप धोत्रे म्हणाले:
“पंतप्रधान नरेंद्र मोदी यांनी स्वयंरोजगार आणि स्वावलंबी भारत या संकल्पनेला प्राधान्य दिले आहे. विश्वकर्मा योजनेच्या माध्यमातून समाजातील छोट्या घटकांना मुख्य प्रवाहात आणण्याचे काम सरकारने केले आहे. आज होत असलेला हा पक्षप्रवेश म्हणजे भाजपच्या ‘सबका साथ, सबका विकास’ या धोरणाला मिळालेली पावती आहे.”
उपस्थित मान्यवर
यावेळी व्यासपीठावर भाजप जिल्हाध्यक्ष संतोष शिवरकर, डॉ. अमित कावरे, राजेश नागमते, माधव मानकर, अॅड. रूपाली काकडे, संजय जोशी आणि किशोर कुचके आदी पदाधिकारी उपस्थित होते.
प्रतिनिधी अमोल जामोदे, अकोला.