- बाल संस्कार विद्या मंदिरात संस्कृत सप्ताह
- २४ ते ३० ऑगस्टदरम्यान विविध उपक्रम
- विद्यार्थ्यांनी संस्कृतमधून कार्यक्रम सादर केले
- श्लोक, संभाषण, कथा, भाषणांचा समावेश
- मान्यवरांनी विद्यार्थ्यांचा उत्साह वाढविला
- दर शनिवारी संस्कृत खेळ, गाणी घेण्याचे ठरले
JALGAON | यावल येथील बाल संस्कार विद्या मंदिरात २४ ते ३० ऑगस्ट २०२६ या कालावधीत आयोजित संस्कृत सप्ताहाचा उत्साहात शुभारंभ करण्यात आला. विद्यार्थ्यांमध्ये संस्कृत भाषेविषयी आवड निर्माण व्हावी आणि दैनंदिन जीवनात संस्कृतचा वापर वाढावा, या उद्देशाने विविध उपक्रम घेण्यात आले.
संस्कृत सप्ताहाच्या शुभारंभानिमित्त विद्यार्थ्यांनी श्लोक, सुविचार, संस्कृत संभाषण, संख्या गीत, कथा आणि भाषणे संस्कृत भाषेत सादर केली. त्यामुळे शाळेच्या परिसरात संस्कृतमय वातावरण निर्माण झाले.
कार्यक्रमासाठी भुसावळ येथील श्रीश चिपळोणकर सर व आशीष सैतवाल सर प्रमुख पाहुणे व मार्गदर्शक म्हणून उपस्थित होते. त्यांनी विद्यार्थ्यांसाठी विविध सोपे व मनोरंजक खेळ घेत उत्साह वाढविला. तसेच संस्कृत भाषेचे महत्त्व सांगून विद्यार्थ्यांना संस्कृत बोलण्याचे आवाहन केले.
कार्यक्रमाच्या यशस्वीतेसाठी मुख्याध्यापक सुनील माळी, पालक दिनेश मुळे, सरिता गायकवाड, अतुल पवार, शिक्षक, शिक्षकेतर कर्मचारी व विद्यार्थ्यांनी परिश्रम घेतले. दर शनिवारी संस्कृत खेळ व गाणी घेण्याबाबतही ठरविण्यात आले.
“संस्कृतं संस्कृतेर्मूलम्” या भावनेतून संस्कृत सप्ताहाची सुरुवात उत्साहात झाली.
प्रतिनिधी | NTV न्यूज मराठी | यावल, जळगाव