- सरस्वती विद्या मंदिरात शिक्षक दिन
- विद्यार्थ्यांनी साकारली शिक्षकांची भूमिका
- नववी-दहावीच्या विद्यार्थ्यांनी घेतले वर्ग
- मुख्याध्यापकांची भूमिकाही विद्यार्थ्यांनी साकारली
- विद्यार्थ्यांना शाळा व्यवस्थापनाचा अनुभव
- शिक्षकांप्रती आदर कृतज्ञता व्यक्त
JALGAON | यावल येथील सरस्वती विद्या मंदिर व कनिष्ठ महाविद्यालयात शिक्षक दिन उत्साहात साजरा करण्यात आला. इयत्ता नववी व दहावीच्या विद्यार्थ्यांनी शिक्षकांची भूमिका साकारत पाचवी ते दहावीच्या विद्यार्थ्यांना दिवसभर अध्यापन केले.
दिवसभरातील सर्व तासिका नववी आणि दहावीच्या विद्यार्थ्यांनी शिक्षकांच्या भूमिकेतून घेतल्या. शिक्षकांनी आवश्यक नियोजन करून मार्गदर्शन केले. त्यानंतर विद्यार्थ्यांनी विविध विषयांचा सखोल अभ्यास करून अध्यापनाची जबाबदारी स्वीकारली.
विद्यार्थ्यांनी मुख्याध्यापक, पर्यवेक्षक, लिपिक आणि शिपाई यांच्या भूमिकाही साकारत शाळेच्या दैनंदिन कामकाजाचा अनुभव घेतला. शाळेचे कामकाज सुरळीत चालण्यासाठी प्रत्येक घटकाची भूमिका आणि जबाबदारी किती महत्त्वाची आहे, याची जाणीव विद्यार्थ्यांना या उपक्रमातून झाली.
शिक्षक दिनाच्या समारंभात विद्यार्थ्यांनी दिवसभरातील अनुभव कथन केले. प्रत्यक्ष शिक्षकाची भूमिका साकारल्यानंतर शिक्षक आपल्या विद्यार्थ्यांसाठी किती कष्ट घेतात, याची जाणीव झाल्याचे विद्यार्थ्यांनी सांगितले. यावेळी विद्यार्थ्यांनी शिक्षकांप्रती आदर, कृतज्ञता आणि प्रेम व्यक्त केले.कार्यक्रमाच्या अध्यक्षस्थानी मुख्याध्यापक बी. सी. ठाकूर होते. एन. डी. भारुडे, एस. बी. चंदनकार आणि बी. पी. वैद्य यांची प्रमुख उपस्थिती होती. शिक्षकांनीही मनोगत व्यक्त करून विद्यार्थ्यांना मार्गदर्शन केले. सूत्रसंचालन डी. पी. जोशी यांनी केले, तर आभार नीलिमा पाटील यांनी मानले. कार्यक्रमाच्या यशस्वीतेसाठी शिक्षक व शिक्षकेतर कर्मचाऱ्यांनी परिश्रम घेतले.
एनटीव्ही न्यूज मराठी | यावल