शेवगाव-पाथर्डी विधानसभा मतदारसंघाचे माजी आमदार चंद्रशेखर घुले पाटील यांची अहिल्यानगर जिल्हा मध्यवर्ती सहकारी बँकेच्या संचालकपदी बिनविरोध निवड झाली आहे. त्यांच्या निवडीमुळे शेवगाव-पाथर्डी तालुक्यातील सहकार क्षेत्रात आनंदाचे वातावरण निर्माण झाले आहे.
चंद्रशेखर घुले पाटील यांचा सहकार क्षेत्राशी दीर्घकाळापासून जवळचा संबंध असून, जिल्ह्यातील सहकारी संस्थांच्या माध्यमातून त्यांनी विविध जबाबदाऱ्या सांभाळल्या आहेत. त्यांच्या अनुभवाचा फायदा जिल्हा मध्यवर्ती सहकारी बँकेच्या कामकाजाला होईल, अशी अपेक्षा व्यक्त होत आहे.
त्यांच्या बिनविरोध निवडीबद्दल शेवगाव-पाथर्डी मतदारसंघातील पदाधिकारी, कार्यकर्ते, सहकार क्षेत्रातील मान्यवर तसेच नागरिकांकडून अभिनंदन करण्यात येत आहे.