पुणे: समाजामध्ये सासू सुनेच्या नात्याबद्दल अनेक समज- गैरसमज आहेत. काही घरात सुनेला मान मिळतो तर काही घरात सुनेला सासुरवास असल्याच्या घटना आपण आपल्या आजूबाजूला दररोज पाहतो. पण पुण्यातूनच सासूने आपल्या सुनेच्या नात्याचा एक वेगळा आदर्श निर्माण करून दिला आहे. छाया लायगुडे असे त्यांचं नाव आहे. सासूचा पुढाकार आणि त्यांच्या या विचारांना त्यांचा छोटा मुलगा आणि सुनेने दिलेला प्रतिसाद यामुळे त्यांनी सुनेचा पुनर्विवाह लावून दिला आहे.
पाच ते सहा वर्षांपूर्वी छाया लायगुडे यांचा मोठा मुलगा विशाल लायगुडे याचे दीर्घ आजाराने अवघ्या ३२ व्या वर्षी निधन झाले. विशालच्या पश्चात त्यांची आई, पत्नी रश्मी, आणि पाच वर्षांची मुलगी आहे. त्यामुळे एवढ्या लहान वयात सुनेच्या वाट्याला मोठ दुःख आले. मुलगा गेल्याने सूनेवर देखील दुःखाचा डोंगर कोसळला होता. त्यामुळे सुनेच्या भविष्याचा विचार सासूच्या मनात घर करून होता. त्यामुळं त्यांन रश्मी यांचा दुसरा विवाह लावून देण्याचा निर्णय घेतला.