सामाजिक ऐक्याचा संदेश; लातूरची संस्कृती पुणे, नाशिकपेक्षा वेगळी आणि आदर्श असल्याचे मत..!
लातूर प्रतिनिधी | दि: २२ मार्च २०२६
लातूर: लातूरचे जिल्हा पोलीस अधीक्षक अमोलजी तांबे साहेब यांनी पवित्र रमजान ईदनिमित्त वन गेड कॉलनी येथील हामेद चाऊस यांच्या निवासस्थानी सदिच्छा भेट देऊन मुस्लिम बांधवांना शुभेच्छा दिल्या. या भेटीद्वारे त्यांनी समाजात सामाजिक ऐक्य आणि बंधुभावाचा महत्त्वपूर्ण संदेश दिला आहे.
संयम, त्याग आणि बंधुभावाचा सण
यावेळी बोलताना पोलीस अधीक्षक अमोल तांबे यांनी रमजान महिन्याचे महत्त्व अधोरेखित केले. ते म्हणाले:
- सामूहिक जबाबदारी: “रमजान हा महिना संयम, त्याग आणि बंधुभाव शिकवणारा आहे. ईद-उल-फित्र हा उत्सव सर्वसमावेशक असून, समाजात शांतता व सौहार्द टिकवणे ही आम्हा सर्वांची सामूहिक जबाबदारी आहे.”
- गुन्हेगारीमुक्त लातूर: पोलीस प्रशासन आणि समाजातील नातेसंबंध अधिक दृढ होत आहेत. कर्तव्य निभावताना लवकरच गुन्हेगारी संपुष्टात येईल, असा विश्वासही त्यांनी यावेळी व्यक्त केला.
लातूरच्या संस्कृतीचा गौरव
लातूरच्या वैशिष्ट्यपूर्ण परंपरेचे कौतुक करताना ते म्हणाले की, “लातूरची संस्कृती ही महाराष्ट्रातील पुणे किंवा नाशिक पेक्षा वेगळी आहे. येथे ईदगाहवर अत्यंत आपुलकीने पुष्पगुच्छ देऊन स्वागत करण्यात येते, तो एक आदर्श आहे.” अशा उपक्रमांमुळे पोलीस आणि जनता यांच्यातील विश्वास वाढत असल्याचे चित्र लातुरात दिसून येत आहे.
उपस्थित मान्यवर
या सदिच्छा भेटीप्रसंगी अनेक मान्यवर आणि प्रतिष्ठित नागरिक उपस्थित होते, ज्यामध्ये प्रामुख्याने अब्दुल समद शेख, हारुण सय्यद, फयोमोद्दीन शेख, हामेद चाऊस, डॉ. एजाज शेख, समीर अहेमद चौधरी, ताहेर मुल्ला, शफीक शेख, अजमत शेख, अस्लम चाऊस, जैद चाऊस यांच्यासह इतर मान्यवरांचा समावेश होता.
वृत्त संकलन: विशेष प्रतिनिधी, लातूर.