- गणित संबोध परीक्षेत विद्यार्थ्यांचे यश
- बोडदे शाळेचा तब्बल १००% निकाल
- चारही विद्यार्थ्यांनी मिळविले यश
- ग्रामीण विद्यार्थ्यांनी गुणवत्तेची छाप पाडली
- शिक्षकांच्या मार्गदर्शनातून यश संपादन
- पालकांच्या सहकार्याचेही मोलाचे योगदान
SINDHUDURG | सिंधुदुर्ग जिल्हा गणित अध्यापक मंडळातर्फे आयोजित गणित संबोध परीक्षेत जि. प. पूर्ण प्राथमिक शाळा बोडदेच्या विद्यार्थ्यांनी उल्लेखनीय यश संपादन केले आहे. शाळेतील चारही विद्यार्थी उत्तीर्ण झाल्याने शाळेचा निकाल तब्बल १०० टक्के लागला आहे.
या परीक्षेत कु. तन्मय तुकाराम सावंत, कु. सार्थक रामचंद्र गवस, कु. शुभ्रा रामलिंग पाटील आणि कु. जान्हवी रुपेश घाडी या चारही विद्यार्थ्यांनी यश मिळविले. विद्यार्थ्यांच्या या यशामुळे बोडदे गावाच्या शैक्षणिक क्षेत्रात समाधानाचे आणि आनंदाचे वातावरण निर्माण झाले आहे.
विद्यार्थ्यांनी घेतलेल्या मेहनतीला शिक्षकांचे योग्य मार्गदर्शन तसेच पालकांचे सातत्यपूर्ण सहकार्य लाभल्याने हे यश शक्य झाले. ग्रामीण भागातील विद्यार्थ्यांनी गणितासारख्या विषयातील परीक्षेत शंभर टक्के निकाल मिळवून आपल्या गुणवत्तेची छाप पाडल्याने त्यांचे सर्व स्तरातून कौतुक होत आहे.
या उल्लेखनीय यशाबद्दल शाळा व्यवस्थापन समितीच्या अध्यक्षा साक्षी नाईक, उपाध्यक्षा शितल गवस, श्री. फटी नार्वेकर, श्री. महादेव गवस, सौ. दिपिका घाडी, सौ. सुजाता गवस तसेच मुख्याध्यापक श्री. महेश नाईक, श्री. गोपाळ पाटील, श्रीमती मंजुश्री परब आणि केंद्रप्रमुख श्री. दत्ताराम दळवी यांनी यशस्वी विद्यार्थ्यांचे मनःपूर्वक अभिनंदन केले.
विद्यार्थ्यांनी यापुढील परीक्षांमध्येही अशीच सातत्यपूर्ण कामगिरी करत शाळेचे, पालकांचे आणि बोडदे गावाचे नाव उज्ज्वल करावे, अशा शुभेच्छा यावेळी देण्यात आल्या.
एनटीव्ही न्यूज मराठी | सिंधुदुर्ग