प्रतिनिधी : फुलचंद भगत
वाशिम:-दिनांक 22 8 2024 रोजी वनपरिक्षेत्राधिकारी कार्यालय फिरते पथक मंगरूळपीर यांना प्राप्त गुप्त माहितीच्या आधारे मौजे ढील्ली तालुका जिल्हा वाशिम येथील रहिवाशी श्री संदीप गोविंदा कऱ्हे यांचे राहते घरात धाड टाकून घरातून विनापरवाना अवैधरित्या वाहतूक करून कटाई करून साठवणूक केलेले साग कट साईज, गोलनग व साग तयार साहित्य दरवाजा पल्ले व खिडक्या पल्ले मिळून एकूण 1.024 घनमीटर लाकूड मालासह सदर अवैध लाकडे कटाई करुन कट साईज बनवण्या करता वापरण्यात आलेले साहित्य रंदा मशीन व इतर सुतार साहित्य मिळून अंदाजे 80 हजार ते एक लाख रुपयांचा माल जप्त करून आरोपी श्री संदीप गोविंदा कऱ्हे रा.ढीली यांच्या विरुद्ध भारतीय वन अधिनियम 1927 च्या विविध कलमान्वये वनगुन्हा जारी करून कारवाई करण्यात आली. सदर कारवाईतील सर्व साहित्य वनविभागाने जप्त करुन ताब्यात घेऊन शेंदुर्जना शासकीय लाकूड आगार येथे वाहतूक करून जमा ठेवले. सदर संपूर्ण कार्यवाही वाशिम वनविभागाचे उपवनसंरक्षक श्री स्वामी यांचे मार्गदर्शनात, तसेच यवतमाळ वनवृत्ताचे विभागीय वनाधिकारी दक्षता श्री दिघोले, यांच्या मार्गदर्शनात वनपरिक्षेत्र अधिकारी फिरते पथक मंगरूळपीर छत्रपती चव्हाण, क्षेत्र सहाय्यक राजू राठोड, क्षेत्र सहाय्यक एस. पी. राठोड सह अधिनिस्त फिरते पथक वनकर्मचारी, मानोरा वनपरिक्षेत्रातील वन कर्मचारी तसेच कारंजा वनपरिक्षेत्रातील वनकर्मचारी यांनी एकत्रितरित्या यशस्वीरित्या पार पाडली. सदर प्रकरणी पुढील चौकशी वनपरिक्षेत्र अधिकारी फिरते पथक मंगरूळपीर करीत आहेत.
प्रतिनीधी:-फुलचंद भगत
मंगरुळपीर/वाशिम
मो.8459273206