पोलीस निरीक्षक गजेंद्र सरोदे यांच्या कामगिरीची कौतुक…
नळदुर्ग – प्रतिनिधी
तुळजापूर तालुक्यातील नळदुर्ग पोलीस स्टेशन हद्दीतील मोबाईल हरवला किंवा चोरीला गेला, की तो परत मिळण्याची शक्यता कमी असते. मात्र, नळदुर्ग पोलिसांनी हरवलेले आणि चोरीला गेलेले मोबाईल शोधून ते मूळ मालकांना परत केले आहे. मोबाईल फोन सारख्या लहान गोष्टींचा शोध घेण्यास वेळ लागतो. मात्र, वरिष्ठ पोलीस निरीक्षक गजेंद्र सरोदे यांच्या आदेशाने नळदुर्ग गुन्हे प्रकटीकरण पथकातील पोलिस उपनिरीक्षक ईश्वर नांगरे, पोलीस अंमलदार अविनाश दांडेकर, बालाजी शिंदे या पोलिसांकडून दीड लाख रुपयाचे १o मोबाईल परत करून नागरिकांना सुखद धक्का देण्यात आला. यावेळी हरवलेले व चोरीला गेलेले आपले मोबाईल फोन परत मिळाल्याने नागरिकांनी पोलिसांचे कौतुक करुन त्यांचे आभार मानले.
नळदुर्ग परिसरात गुन्हे प्रकटीकरण पथकातील पोलिसांनी 1 महिन्यांपूर्वी हरवलेल्या, गहाळ झालेल्या मोबाईलची माहिती घेत विशेष मोहीम राबवून तांत्रिक कौशल्यावर तपास करत चोरी गेलेले १o मोबाईल हस्तगत १५ ते २० दिवसात केले. दूरसंचार विभाग (CEIR) पोर्टलच्या मदतीने व सायबर सेल च्या मदत घेऊन गेलेला मोबाईल परत मिळेल. ही अशा ही अनेकांनी सोडून दिली होती. त्यामुळे हरवलेला मोबाईल मिळाल्याचा आनंद नागरिकांच्या चेहऱ्यावर पाहायला मिळत होता. मोबाईल परत मिळाल्यामुळे तक्रारदारांनी नळदुर्ग पोलिसांचे आभार व्यक्त केले. मोबाईल ही नागरिकांसाठी महत्वाचा विषय आहे. मोबाईल चोरीला गेल्याने आर्थिक नुकसान तर होतेच, शिवाय अनेकांचा महत्वाचा डाटाही जातो. त्यामुळे यासंबंधित नागरिकांच्या भावना वेगळ्या असतात. मोबाईलची कधी चोरी होते, तर कधी हरवतो. पोलिसांकडून दाखला मिळवून नवे सिमकार्ड
घेऊन अनेक जन नवा मोबाईल घेऊन सुरू करतात. असे असले तरी त्यांच्या दृष्टीने हरवलेला किंवा चोरी गेलेला मोबाईल तेवढाच महत्वाचा असतो. त्याचा शोध घेता येत नाही, तक्रारही नोंदवून घेतली जात नाही. यामुळे पोलिसांबद्दल नागरिकांचे मत खराब होते. तर दुसरीकडे चोरांचे धाडस वाढते. त्यामुळे अशा घटना वाढत असल्याचे ओळखून पोलिस निरीक्षक गजेंद्र सरोदे यांनी यासाठी खास मोहीम राबविण्याचे ठरविले. आपल्या सर्व सहकाऱ्यांना सूचना केल्या. तांत्रिक मदत आणि पारंपरिक तपास पद्धतीचा अवंलब करून विशेष मोहिमेत त्यांनी मोबाईल परत मिळविण्यास यश मिळविले. सदरची कामगीरी पोलीस अधीक्षक संजय जाधव व अपर पोलीस अधीक्षक गौहर हसन, पोलीस उपविभागीय अधिकारी निलेश देशमुख. यांचे मार्गदर्शनाखाली सहाय्यक पोलीस निरीक्षक गजेंद्र सरोदे .पोलीस उपनिरीक्षक ईश्वर नांगरे, पोलीस अंमलदार अविनाश दांडेकर, पोलीस अंमलदार बालाजी शिंदे यांच्या या कामगिरीची कौतुक पोलीस अधीक्षक व नागरिकांकडून होत आहे.