♦️राज्य सरकारकडून काल (शनिवारी) पालकमंत्र्यांची यादी जाहीर करण्यात आली आहे. या यादीत राज्याचे अन्न, नागरी पुरवठा आणि ग्राहक संरक्षण मंत्री धनंजय मुंडे यांचे नाव नाही. अहिल्यानगरचे पालकमंत्री पद पुन्हा मंत्री राधाकृष्ण विखे पाटील यांना मिळाले आहे. तर मुख्यमंत्री देवेंद्र फडणवीस यांच्याकडे गडचिरोलीचे, उपमुख्यमंत्री एकनाथ शिंदे यांच्याकडे ठाणे व मुंबई शहर तर उपमुख्यमंत्री अजित पवार यांच्याकडे पुणे व बीड देण्यात आले आहे.
♦️राधाकृष्ण विखे पाटील यांना अहिल्यानगर जिल्ह्याचे पालकमंत्री पद मिळण्याची ही तिसरी वेळ आहे. मागील महायुती सरकार व तत्कालीन युती सरकारच्या काळात ते अहिल्यानगर जिल्ह्यातील पालकमंत्री होते. राज्यात काही नवीन जिल्ह्यांची निर्मितीची घोषणा २६ जानेवारीला होण्याची शक्यता आहे यात अहिल्यानगर जिल्ह्याचा समावेश असल्याची चर्चा आहे. या पार्श्वभूमीवर मंत्री विखे पाटील हे जिल्हा विभाजनाबाबत काय निर्णय घेणार यावर राजकीय चर्चा रंगत आहे.