कोण होणार जामखेडचा नगराध्यक्ष..? जामखेड निवडणुकीत ‘आठ’ प्रमुख पक्षांसह ‘नवरंगी’ लढतीची शक्यता..!

• जामखेडकरांची उत्सुकता शिगेला; अर्ज माघारीच्या शेवटच्या दिवसांपर्यंत राजकीय डावपेच कोण टाकणार?

जामखेड प्रतिनिधी (दि. २० नोव्हेंबर)

अहिल्यानगर: जामखेड नगरपरिषद निवडणुकीच्या रणधुमाळीत महायुती आणि महाविकास आघाडीत कोणताही ताळमेळ राहिला नसून, सर्वच प्रमुख पक्ष नगराध्यक्ष आणि नगरसेवक पदासाठी एकमेकांसमोर स्वबळावर उभे ठाकले आहेत. नगराध्यक्षपदासाठी तब्बल आठ प्रमुख पक्ष आणि पाच अपक्ष असे एकूण १३ उमेदवार रिंगणात असल्याने जामखेडकरांची उत्सुकता शिगेला पोहोचली आहे.

नगराध्यक्षपदासाठी प्रमुख आठरंगी लढत

जामखेड नगरपरिषद निवडणुकीत यंदा नगराध्यक्षपदासाठी मोठी चुरस पाहायला मिळत आहे. प्रमुख पक्षांकडून महिला उमेदवार रिंगणात उतरवण्यात आल्या आहेत:

या आठ पक्षांसह बागवान नसीम सलीम, माने वर्षा कैलास, राळेभात प्रिती विकास, राळेभात प्रियांका दिनेश, शेख रेश्मा युनूस अशा पाच अपक्ष महिलांनीही अर्ज दाखल केले आहेत. यामुळे सध्या आठरंगी वाटणारी ही निवडणूक नवरंगी होते की काय, अशी शक्यता व्यक्त होत आहे.

राजकीय डावपेचांची प्रतीक्षा

• नगरसेवक अर्ज: १२ प्रभागांतून २४ नगरसेवक पदांसाठी तब्बल २१९ उमेदवारी अर्ज दाखल झाले आहेत.
• नगराध्यक्ष अर्ज: नगराध्यक्ष पदासाठी एकूण २५ अर्ज दाखल झाले होते, त्यापैकी आता १३ उमेदवार रिंगणात आहेत (यात काही अपक्ष अर्ज बाद होण्याची शक्यता गृहीत धरली आहे).
• अर्ज माघारीची मुदत: उमेदवारी अर्ज माघारी घेण्याचा शेवटचा दिवस २१ नोव्हेंबर आहे.

अर्ज माघारी घेण्याच्या शेवटच्या दिवसापर्यंत कोण राजकीय डाव कसा खेळेल, कोण कोणाला पाठिंबा देईल किंवा कोणते अपक्ष खंबीरपणे रिंगणात राहतील, याची उत्सुकता शिगेला पोहोचली आहे.

प्रतिनिधी नंदु परदेशी,

एनटीव्ही न्यूज मराठी, जामखेड, अहिल्यानगर.