अकोला महानगरपालिका निवडणुकीच्या रणधुमाळीत आता भारतीय जनता पक्षाने आपली पूर्ण ताकद झोकून दिली आहे. अकोलेकरांच्या सन्मानासाठी आणि शहराच्या सर्वांगीण विकासासाठी भारतीय जनता पक्षाला विजयी करण्याचे आवाहन खासदार अनुप धोत्रे यांनी केले आहे. विकासाचे ठोस व्हिजन घेऊन भाजप जनतेच्या दारात जात असून, मतदारांचा मोठा प्रतिसाद मिळत असल्याचे चित्र पाहायला मिळत आहे.
प्रभाग चार मध्ये आयोजित पदयात्रेच्या माध्यमातून खासदार अनुप धोत्रे यांनी जनतेशी संवाद साधला. यावेळी त्यांनी विकासात्मक कामांसोबतच ‘सर्वस्पर्शी विकास’ करण्याचा संकल्प भाजप करत असल्याचे सांगितले. या पदयात्रेदरम्यान पल्लवी मोरे, मिलिंद राऊत, संदीप शेगोकार, शिल्पाताई वारोकार यांच्यासह प्रशांत जोशी, सागर शेगोकार, नीतू महादेव जगताप आणि शशिकलात काळे यांच्या प्रचारार्थ त्यांनी जनसंपर्क केला. भारतीय जनता पक्ष आणि राष्ट्रवादी काँग्रेस महायुतीच्या उमेदवारांना प्रचंड बहुमताने विजयी करण्याचे आवाहन करत, यावेळी खासदार धोत्रे यांनी जनता जनार्दनाचा आशीर्वाद महायुतीलाच मिळेल, असा ठाम विश्वास व्यक्त केला.
एनटीव्ही न्यूज मराठी