👉🏻भंडारदरा-निळवंडे नदी काठच्या गावांना दक्षतेचा इशारा..

भंडारदरा आणि निळवंडे धरण पाटलोट क्षेत्रात धुव्वाधार पाऊस सुरू असल्याने धरणातून मोठ्या प्रमाणावर पाणी सोडण्यात येत आहे. पाणलोटातील घाटघरमध्ये तब्बल १९, तर रतनवाडी आणि पांजरेत १८ इंच पाऊस झाला आहे. प्रचंड पाण्याची आवक झाल्याने भंडारदरा आणि निळवंडेतून पाणी सोडण्यात आले. काल सायंकाळी निळवंडेतून ३०७७५ क्युसेकने पाणी सोडण्यात आल्याने प्रवरा नदीला पूर आला आहे.

तसेच प्रवरा नदीला पूरआल्याने जिल्हा प्रशासनाकडून नदीकाठच्या नागरिकांना सतर्कतेचे आदेश देण्यात आले आहेत.
भंडारदरा परिसरात अतिवृष्टी सुरू असल्याने शेती, रस्त्यांचे प्रचंड नुकसान झाले आहे. भातपिके पाण्याखाली आहेत. गत बारा तासांत भंडारदरात तब्बल १२७३ दलघफू पाण्याची आवक झाली. भंडारदरातून २५३९४ क्युसेकने पाणी सोडण्यात येत होते, तर निळवंडेतून ३०७७५ क्युसेकने पाणी सोडणे सुरू करण्यात आले.