नागपूर: नागपूर ग्रामीणचे शिवसेना जिल्हाप्रमुख उत्तम भाऊ कापसे यांच्या नेतृत्वात आज दिनांक ४ ऑगस्ट २०२५, सोमवार रोजी, उपविभागीय अधिकारी यांना एका निवेदनाद्वारे नवीन सुरू झालेल्या टोल नाक्यावर योग्य त्या सुविधा उपलब्ध करून देण्याची मागणी करण्यात आली. या वेळी जिल्हा सहप्रसिद्धीप्रमुख मंगेश गमे आणि शिवसेना सावनेर तालुकाप्रमुख मनोज कुहिटे उपस्थित होते.
या निवेदनात, स्थानिक शेतकऱ्यांच्या शेतमालाला आणि टोल नाक्यापासून २० किलोमीटरच्या परिसरातील गावकऱ्यांच्या वाहनांना टोलमधून वगळण्यात यावे, अशी प्रमुख मागणी करण्यात आली आहे. तसेच, टोल नाक्यावर २४ तास प्राथमिक उपचार आणि रुग्णवाहिका (अ‍ॅम्ब्युलन्स) उपलब्ध असावी, अशीही मागणी करण्यात आली आहे.
या वेळी शिवसेना सावनेर तालुकाप्रमुख जितू बिंदानी, उपतालुकाप्रमुख गेंदलाल कमाले, सतीश नाईक, शिवसेना सावनेर शहर प्रमुख कपिल पांडे, युवासेना तालुकाप्रमुख प्रशांत कामोने, अरुण राऊत, गौतम पाटील, भोजराज आचारी, उमेश उईके, गणेश तवले, सुरेंद्र पलेरिया आणि इतर शिवसैनिक मोठ्या संख्येने उपस्थित होते.
(प्रतिनिधी: मंगेश उराडे, एनटीव्ही न्यूज मराठी, नागपूर)