प्रतिनिधी (जाफराबाद) दिनांक 06 सप्टेंबर 2025- " अनंत चतुर्दशीच्या निमित्ताने सिद्धार्थ महाविद्यालयाच्या " ग्रीन क्लब " विभागाच्या वतीनं निर्माल्य संकलन मोहीम हा सामाजिक उपक्रम राबविण्यात आला. रेपाळा रोड वरील तलावात सार्वजनिक गणपती व घरगुती गणपती बाप्पांच्या मूर्तीचे विसर्जन करण्यात येते. दरवर्षीप्रमाणे याही वर्षी महाविद्यालयाच्या वतीनं नैसर्गिक पाणी स्त्रोतांमध्ये सोडण्यात येणारी निर्मल, दुर्वा , हार , फुले, नारळ, नैवद्य इत्यादी साहित्य थेट तलावात विसर्जित न करता सर्व निर्माल्याचे संकलन करून ते नगरपंचायतच्या वतीनं नियमित स्वच्छतेसाठी उपलब्ध घंण्टागाडित टाकण्यात आले. प्राचार्य डॉ. रमेश देशमुख व ग्रीन क्लब चे समन्वयक प्राध्यापक मनीष बनकर यांच्या मार्गदर्शनाखाली महाविद्यालयातील स्वयंसेवकांनी ही मोहीम यशस्वीरित्या राबविली. तलावाच्या काठावरील निर्माल्य तसेच पुजा विधी झाल्यानंतर गणेशभक्तां जवळील निर्माल्य संकलित करण्यात आले. या मोहिमेचा उद्देश नैसर्गिक जलस्त्रोतात, जसे नदी, तलाव या ठिकाणी जलप्रदूषण न होऊ देणे, जैव विविधतेला धोका न पोहोचवणे ,मानवी आरोग्य तथा जलचर प्राण्यांचे आरोग्य संवर्धन करणे , हा मुख्य उद्देश महाविद्यालयाच्या वतीनं दरवर्षी केला जात आहे. या उपक्रमास दरवर्षी जाफराबाद नगरपंचायतचे नगराध्यक्ष, उपनगराध्यक्ष, जाफराबाद नगरपंचायतचे कार्यकारी अधिकारी तसेच सर्व कर्मचारी यांचे मोलाचे सहकार्य लाभते. आज या शुभ कार्यासाठी जाफराबाद नगरपंचायतचे कार्यकारी अधिकारी मा. सूरज बिस्कुटे साहेब , नगरपंचायतचे कर्मचारी या कार्यात सहभागी झाले होते.नगरपंचायतचे कर्मचारी श्री.कांतीलाल बंसवाल, श्री.प्रदीप प्रकाश राऊत ,श्री. सखाभाऊ मगरे , श्री. दिलीप मगरे तसेच जाफराबाद शहरातील गणेश भक्त, शुभंम अक्कर, बबलू जोडीवाले, दिलीप भोलाने व सिद्धार्थ महाविद्यालयातील ग्रीन क्लबचे स्वयंसेवक ओम चव्हाण,कु.आर्या राजपुत्त कु.पूनम लोखंडे,कु.विशाखा किशोर लोखंडे,कु.नितीशा विजय बोर्डे, यांचे मोलाचे सहकार्य लाभले....
