SOLAPUR | 💥 अनगर नगरपंचायत निवडणुकीत ‘राष्ट्रवादी’च्या उमेदवाराचा अर्ज बाद! आता न्यायालयात लागणार राजकीय ‘दंगल’?

* निवडणूक निर्णय अधिकाऱ्यांच्या निर्णयविरोधात न्यायालयात दाद मागणार.

* अर्ज भरताना सर्व कागदपत्रांची आणि अर्जाची वकिलाकडून तपासणी केली होती.

* सूचक म्हणून माझा मुलगा माझ्या सोबत होता, त्याचीच सही कशी राहू शकते?

* मी न्यायाल्यावर विश्वास ठेवते, अर्ज कसा बाद झाला यासंदर्भात मी न्यायालयात दाद मागेन.

अनगर नगरपंचायतीत अर्ज बाद झाल्यानंतर राष्ट्रवादी काँग्रेसच्या उमेदवार उज्वला थिटे यांनी आपली पहिली प्रतिक्रिया दिली आहे. निवडणूक निर्णय अधिकाऱ्यांच्या निर्णयविरोधात त्या न्यायालयात दाद मागणार आहेत.

अर्ज भरताना सर्व कागदपत्रांची आणि अर्जाची वकिलाकडून तपासणी केली होती, असे थिटे यांनी सांगितले. सूचक म्हणून माझा मुलगा माझ्या सोबत होता, मग त्याचीच सही कशी राहू शकते, असा सवालही त्यांनी उपस्थित केला. मी न्यायालयावर विश्वास ठेवते आणि अर्ज कसा बाद झाला यासंदर्भात मी न्यायालयात दाद मागेन, असेही अनगर नगरपंचायतच्या राष्ट्रवादी काँग्रेसच्या उमेदवार उज्वला थिटे यांनी म्हटले आहे.

अनगर नगरपंचायतीतील अर्ज बाद झाल्यानंतर राष्ट्रवादी काँग्रेसच्या उमेदवार उज्वला थिटे यांनी मोठी प्रतिक्रिया दिली आहे. या निर्णयाविरोधात त्या आता थेट न्यायालयात दाद मागणार आहेत. निवडणूक लढण्याच्या प्रक्रियेत त्यांना अनेक अडचणींचा सामना करावा लागला, असा गंभीर आरोप त्यांनी केला आहे.

अनगर नगरपंचायतीतील अर्ज बाद झाल्यानंतर राष्ट्रवादी काँग्रेसच्या उमेदवार उज्वला थिटे यांनी मोठी प्रतिक्रिया दिली आहे. या निर्णयाविरोधात त्या आता थेट न्यायालयात दाद मागणार आहेत. निवडणूक लढण्याच्या प्रक्रियेत त्यांना अनेक अडचणींचा सामना करावा लागला, असा गंभीर आरोप त्यांनी केला आहे.

“पूर्ण महाराष्ट्राने पाहिलेलं आहे की लोकशाही पद्धतीने निवडणूक लढण्याचा अधिकार मला होता, तिथं मला जाऊच दिले नव्हते. मात्र मी कसा संघर्ष करत तिथे गेले हे सर्व महाराष्ट्राने पाहिलेल आहे,” असे थिटे म्हणाल्या. “माझ्या गाड्यांचा पाठलाग झाला, तिथे धक्काबुक्की करून हल्ला करायचा, ऍट्रॉसिटी दाखल करण्यासाठी तिथे महिला होत्या,” असे त्यांनी सांगितले. पुढे त्या म्हणाल्या, “रस्त्याने ट्रॅक्टर्स उभे केले आणि येणाऱ्या-जाणाऱ्या गाड्या तपासल्या जात होत्या आणि मी त्यात दिसते का हे पाहण्यासाठी हा प्रकार सुरु होता. तरीही तो डोंगर सर करत मी तिथे गेले आणि यशाच्या डोंगरावर मी होते. अर्ज भरल्या नंतर त्यांनी छाननीमध्ये तो बाद करणारच याची मनात खंत होती आणि ती पूर्ण झाली.” “जो माणूस स्वतःच्या मुलांना 302 च्या कलमातून सोडून आणतो, त्या माणसासाठी चार कागद गहाळ करायला किती वेळ लागतो,” असा थेट सवाल त्यांनी केला. या प्रक्रियेत निवडणूक निर्णय अधिकाऱ्याने सूचक म्हणून सही झाली नसेल तर लक्षात आणून देण्याचं काम होते. सूचक म्हणून माझा मुलगाच होता आणि त्याच्या जिवाला धोका असतानाही मी त्याला घेऊन गेले, असे त्यांनी स्पष्ट केले. “याविरोधात आता मी न्यायालयात दाद मागणार आहे,” असे थिटे यांनी सांगितले. दरम्यान, छाननीचा सविस्तर अहवाल देण्यासाठी कालच मेल केला होता, पण तो अहवाल अद्याप आला नसल्याचेही त्यांनी नमूद केले.

एनटीव्ही न्यूज मराठी,
सोलापूर.