- भाजप नगराध्यक्ष उमेदवार सौ. प्रांजलताई अमित चिंतामणी यांच्या प्रचारार्थ मुख्यमंत्र्यांची जाहीर सभा.
- सभेमुळे शहरात राजकीय वातावरणाला अधिक गती; निवडणुकीतील समीकरणे बदलण्याची शक्यता.
- मुख्यमंत्री देणार स्थानिक प्रश्नावरील उपाय आणि विकास कामांबाबत महत्त्वपूर्ण संदेश.
- “ही सभा जामखेडच्या विकासाला दिशादर्शक ठरेल” – सभापती प्रा. राम शिंदे.
भारतीय जनता पक्षाच्या नगराध्यक्षा सौ. प्रांजलताई अमित चिंतामणी व सर्व नगरसेवकांच्या प्रचारार्थ मुख्यमंत्री देवेंद्र फडणवीस यांच्या जाहीर सभेचे आयोजन १ डिसेंबर रोजी जामखेडला करण्यात आले आहे.
जामखेडच्या नगरपरिषद निवडणुकीच्या रणधुमाळीत राजकीय वातावरण चांगलेच तापले असून शहरात भारतीय जनता पक्षात उत्साहाचे नवे वारे वाहू लागले आहेत. या पार्श्वभूमीवर भाजपच्या नगराध्यक्ष उमेदवार सौ. प्रांजलताई अमित चिंतामणी व सर्व नगरसेवकांच्या प्रचार मोहिमेला बळकटी देण्यासाठी राज्याचे मुख्यमंत्री मा. ना. देवेंद्र फडणवीस साहेब यांच्या भव्य जाहीर सभेचे आयोजन सोमवार, दि. ०१ डिसेंबर २०२५. रोजी सकाळी १०.३० वाजता, जामखेड मराठी शाळेच्या पाठीमागील भक्तीशक्ती मैदानावर आयोजित करण्यात आले आहे. सभेच्या तयारीसाठी पक्षातील सर्व विभाग, पदाधिकारी आणि कार्यकर्त्यांनी मोठ्या उत्साहात तयारीला वेग दिला आहे. मुख्यमंत्री प्रत्यक्ष जामखेडमध्ये येणार असल्याने संपूर्ण शहर भाजपमय झाले असून पदाधिकारी व कार्यकर्त्यांमध्ये मोठा उत्साह दिसत आहे. “ही सभा जामखेडच्या विकासाचे दिशादर्शक करणारी ठरेल,” असे विधान परिषद सभापती प्रा. राम शिंदे यांनी सांगत नागरिकांनी मोठ्या संख्येने उपस्थित राहण्याचे आवाहन केले आहे. स्थानिक प्रश्नांवरील उपाय, नगरपरिषदेचा विविध विकास कामांसाठी आराखडा आणि राजकीय समीकरणांबाबत मुख्यमंत्री महत्त्वपूर्ण संदेश देणार आहेत. गेल्या अनेक वर्षांपासून जामखेड शहर विकासापासून वंचित राहिले आहे, आता मुख्यमंत्री देवेंद्र फडणवीस यांच्यामुळे शहराचा विकास होईल. त्यासाठी आपण जामखेड शहरातील नागरिकांनी या विकासात सामील व्हायचे आहे, असे जामखेड कर्जतचे भूमिपुत्र सभापती प्रा. राम शिंदे यांनी सांगितले असून सर्वानी मोठ्या संख्येने उपस्थित राहण्याचे आवाहन केले आहे. सभेच्या तयारीमुळे शहरात राजकीय वातावरणाला अधिक गती मिळाली असून ही सभा निवडणुकीतील समीकरणे बदलणारी ठरण्याची शक्यता राजकीय वर्तुळात व्यक्त केली जात आहे.
नंदु परदेशी, एनटीव्ही न्यूज मराठी, जामखेड