- नगरसेवक योगिराज गाडे यांच्या हस्ते सन्मान; यश ग्रँड हॉटेलमध्ये संपन्न झाला सोहळा..!
अहिल्यानगर प्रतिनिधी | दिनांक: २४ मार्च २०२६
अहिल्यानगर: मागील ४६ वर्षांपासून ऊन, वारा, पाऊस याची तमा न बाळगता अहोरात्र निस्वार्थ भावनेने समाजसेवा करणाऱ्या अविनाश देडगावकर यांची दखल घेऊन त्यांचा विशेष गौरव करण्यात आला. अहिल्यानगरमधील यश ग्रँड हॉटेलमध्ये नुकताच हा सोहळा पार पडला.
सन्मान आणि उल्लेखनीय सेवा
अविनाश डेडगावकर यांनी आपल्या आयुष्यातील प्रदीर्घ काळ सामाजिक कार्यासाठी अर्पण केला आहे. त्यांच्या या निस्वार्थ सेवेबद्दल कृतज्ञता व्यक्त करण्यासाठी नगरसेवक मा. श्री. योगिराज गाडे यांच्या हस्ते त्यांना शाल आणि श्रीफळ देऊन सन्मानित करण्यात आले. १४ मार्च २०२६ रोजी हा गौरव सोहळा संपन्न झाला.
उपस्थित मान्यवर
याप्रसंगी डेडगावकर यांच्या सामाजिक कार्याचे कौतुक करण्यासाठी श्री. राकेश बोगावत, श्री. प्रथमेश महेंद्रकर यांच्यासह इतर मान्यवर उपस्थित होते. ४६ वर्षांच्या प्रदीर्घ सेवेचा गौरव झाल्याबद्दल सर्व स्तरांतून त्यांचे अभिनंदन करण्यात येत आहे.
वृत्त संकलन: विशेष प्रतिनिधी, अहिल्यानगर.