भंडारा : नागपूर जिल्ह्यातील कामठी येथील मूळ रहिवासी असलेल्या तनिष्काच्या वडिलांचे काही दिवसांपूर्वी निधन झाले. त्यामुळे ती हसारा येथे आपल्या मावशीकडे शिक्षण घेण्याकरिता राहत होती. तुमसर येथील मातोश्री विद्या मंदिर येथे इयत्ता १२व्या वर्गात विज्ञान शाखेला होती. सध्या प्रात्यक्षिक पेपर सुरू आहेत. तनिष्काचेसुद्धा प्रात्यक्षिक पेपर सुरू असताना आपल्या मोबाइलवरून कामठी येथे राहत असलेल्या आईला मोबाइलवरून मेसेज पाठवून ५ फेब्रुवारी रोजी मध्यरात्रीच्या सुमारास हसारा येथे मावशीच्या घरी पंख्याला ओढणीने गळफास घेत आत्महत्या केली.
सदर घटनेची नोंद तुमसर पोलिसांत करण्यात आली असून अधिक तपास ठाणेदार नितीन चिंचोळकर यांच्या मार्गदर्शनाखाली पोलिस उपनिरीक्षक कुंभरे करीत आहेत.