👉🏻विधानसभेसाठीची प्रारुप मतदार यादी प्रसिद्ध : जिल्हाधिकारी अहमदनगर.

केंद्रीय निवडणूक आयोगाच्या निर्देशानुसार मतदार याद्यांचा विशेष पुनरिक्षण कार्यक्रम जाहीर केला आहे. नगर जिल्ह्यातील बारा विधानसभा मतदार संघाची प्रारुप यादी संबंधित मतदान केंद्रावर प्रसिद्ध करण्यात आली आहे. नागरिकांनी आपले नाव मतदार यादीत आहे किंवा नाही, याची खात्री करावी, असे आवाहन जिल्हाधिकारी तथा जिल्हा निवडणूक अधिकारी सिद्धाराम सालीमठ यांनी केले.

जिल्हाधिकारी कार्यालयाच्या सभागृहात प्रारुप मतदार याद्यांच्या प्रसिद्धीसाठी बैठकीचे आयोजन केले होते. यावेळी उपजिल्हाधिकारी शाहू मोरे, तहसीलदार प्रदीप पाटील आदी उपस्थित होते. जिल्हाधिकारी म्हणाले, विधानसभा निवडणुकीसाठी ३० ऑगस्ट रोजी अंतिम यादीची प्रसिद्धी करण्यात येणार आहे. १ जुलै ते १ ऑक्टोबर दरम्यान १८ वर्षे पूर्ण करणाऱ्या मतदारांनी नाव नोंदणीसाठी नमुना ६ भरुन द्यावा. एक गठ्ठा पद्धतीने आलेले कोणतेही अर्ज स्‍वीकारले जाणार नाहीत, असे त्यांनी सांगितले.