जिल्हाधिकाऱ्यांनी काढले आदेश, निवडणुकीची तारीख निश्चित.
यवतमाळ, वणी, दिग्रस, पांढरकवडा नगरपरिषद सदस्य जागेसाठी मतदान.
अध्यक्षपदाचा समावेश असलेल्या ठिकाणी संपूर्ण निवडणूक कार्यक्रम स्थगित.
यवतमाळ येथील संपूर्ण निवडणूक स्थगित होऊन सुधारित कार्यक्रम राबविण्यात येणार.
यवतमाळ नगर परिषदेची निवडणूक आता २० डिसेंबरला होणार आहे. जिल्हाधिकाऱ्यांनी याबाबतचे आदेश काढले असून, बहुप्रतिक्षित नगरपरिषद निवडणुकीची तारीख आता निश्चित झाली आहे.
जिल्हाधिकाऱ्यांनी दिलेल्या माहितीनुसार, नगरपरिषद सदस्यांच्या जागेकरिता यवतमाळ येथील प्रभाग क्र. १५ (ब), वणी नगरपरिषदेच्या प्रभाग १४ (क), दिग्रस नगरपरिषदेच्या प्रभाग क्र. २ (ब), ५ (ब) आणि १० (ब) तसेच पांढरकवडा नगरपरिषदेच्या प्रभाग क्र. ८ (अ) आणि ११ (ब) मध्ये २० डिसेंबर रोजी मतदान प्रक्रिया पार पडणार आहे. निवडणूक आयोगाच्या आदेशानुसार, स्थगित केलेल्या जागांमध्ये अध्यक्षपदाचा समावेश असल्यास त्या संपूर्ण नगरपरिषदेची निवडणूक स्थगित करण्याचे निर्देश आहेत. त्यानुसार, यवतमाळ येथील संपूर्ण निवडणूक स्थगित झाली असून, आता सुधारित निवडणूक कार्यक्रम राबविण्यात येणार आहे.
एनटीव्ही न्यूज मराठी, यवतमाळ.