प्राथमिक आरोग्य केंद्रासाठी प्राप्त झालेल्या १९ रुग्णवाहिकांचे जलसंपदा मंत्री तथा जिल्ह्याचे पालकमंत्री राधाकृष्ण विखे पाटील यांच्या हस्ते वाटप करण्यात आले. जिल्हाधिकारी कार्यालयात झालेल्या या कार्यक्रमाला आमदार मोनिका राजळे, अमोल खताळ, विठ्ठल लंघे, काशिनाथ दाते, जिल्हाधिकारी सिद्धाराम सालीमठ, जिल्हा पोलीस अधीक्षक राकेश ओला, जिल्हा परिषदेचे मुख्य कार्यकारी अधिकारी आशिष येरेकर, उप मुख्य कार्यकारी अधिकारी दादासाहेब गुंजाळ, जिल्हा आरोग्य अधिकारी डॉ. बापूसाहेब नागरगोजे आदी उपस्थित होते. जिल्हा परिषद आरोग्य विभागाअंतर्गत एकूण ११५ प्राथमिक आरोग्य केंद्र मंजूर आहेत. त्यापैकी १०२ प्राथमिक आरोग्य केंद्र कार्यरत आहे. सहसंचालक आरोग्य सेवा मुंबई कार्यालयाकडून जिल्ह्यासाठी कालबाह्य झालेल्या रुग्णवाहिकाच्या जागेवर १४ व ५ नवीन सुरू झालेल्या प्राथमिक आरोग्य केंद्रासाठी, अशा एकूण १९ रुग्णवाहिका प्राप्त झाल्या आहेत. त्यासाठी ३ कोटी ४१ लाख ५ हजार रुपये खर्च करण्यात आला आहे.
News