धावत्या ट्रकच्या इंजिनमध्ये आग लागून ट्रकची केबिन पूर्णपणे जळून खाक.
चालकाच्या प्रसंगावधानामुळे लाखो रुपयांचे सोयाबीन वाचले.
सिंदखेडराजा जालना रोडवरील घटना.
अग्निशमन दलाने तत्काळ घटनास्थळ गाठून आगीवर नियंत्रण मिळवले.
धावत्या ट्रकच्या इंजिनमध्ये आग लागल्याने ट्रकची केबिन पूर्णपणे जळून खाक झाल्याची घटना बुलढाण्याच्या सिंदखेडराजा जालना रोडवर घडली आहे. परंतु, चालकाच्या प्रसंगावधानामुळे ट्रक मध्ये असलेले लाखो रुपयांचे सोयाबीन वाचवण्यात यश आले आहे.
आग लागल्याचे समजताच चालकाने ताबडतोब रस्त्याच्या कडेला ट्रक उभा करून समृद्धी महामार्ग नियंत्रण कक्ष आणि अग्निशमन दलाला माहिती दिली. अग्निशमन दलाने ताबडतोब घटनास्थळ गाठत आगीवर नियंत्रण मिळवले. ज्यामुळे लाखो रुपयांचे सोयाबीनचे नुकसान वाचले आहे. मेहकर येथून खरेदी केलेले सोयाबीन हे अहिल्यानगर या ठिकाणी नेताना ही घटना घडली आहे.
एनटीव्ही न्यूज मराठी, बुलढाणा