DHULE | 🚨 रहस्यमय साडीवाल्या चोराचा पर्दाफाश! धुळ्यातील हनुमान मंदिर चोरीचा 72 तासांत छडा, 5 आरोपी जेरबंद!

* धुळ्यातील पंचमुखी हनुमान मंदिर चोरीचा अवघ्या 72 तासांत छडा.

* चोरट्याने ओळख लपवण्यासाठी चक्क साडी नेसून केली होती चोरी.

* तांत्रिक तपास आणि सीसीटीव्ही फुटेजच्या आधारे मुख्य आरोपीला अटक.

* चोरीचा सोन्याचा टिळा, चांदीची लगड आणि रोकड असा सर्व मुद्देमाल जप्त.

धुळ्यातील अतिप्राचीन पंचमुखी हनुमान मंदिरातील चोरीचा अवघ्या 72 तासांत छडा लावण्यात पोलिसांना यश आले आहे. या प्रकरणी धुळे शहरातील वरखेडी रोड आणि नंदुरबारमधून 5 आरोपींना बेड्या ठोकण्यात आल्या असून, पोलिसांनी चोरीचा सर्व मुद्देमाल हस्तगत केला आहे.

धुळे शहरातील पांझरा नदीकाठावरील मंदिरात ओळख लपवण्यासाठी चोरट्याने चक्क साडी नेसून चोरी केली होती. सीसीटीव्ही फुटेज आणि तांत्रिक तपासाच्या आधारे स्थानिक गुन्हे शाखेने मुख्य आरोपीला वरखेडी रोडवरील डम्पिंग ग्राऊंडवरून शिताफीने उचलले. त्याच्या माहितीवरून साथीदारांना शहरातून, तर चोरीचे चांदीचे छत्र विकत घेणाऱ्या सराफाला थेट नंदुरबारमधून ताब्यात घेण्यात आले. या धडक कारवाईत पोलिसांनी सोन्याचा टिळा, चांदीची लगड आणि रोकड असा सर्व मुद्देमाल जप्त केला आहे. ही कामगिरी धुळे जिल्हा पोलीस अधीक्षक श्रीकांत धिवरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्रीराम पवार आणि त्यांच्या पथकाने केली आहे.