AHILYANAGAR | 🏋️ ४५ दिवसांत ‘फॅट टू फिट’चा यशस्वी मंत्र: अजिंक्य फिटनेसची अनोखी स्पर्धा!

* ४५० हून अधिक स्पर्धकांचा जबरदस्त प्रतिसाद.

* योग्य आहार, न्यूट्रिशन्स आणि तज्ञांच्या मार्गदर्शनाने केले फॅट कमी.

* गोरख खंडागळे यांनी तब्बल प्रथम क्रमांक पटकावला.

* विजेत्यांना आमदार संग्राम जगताप यांच्या हस्ते गौरव, १ लाख रुपयांचे बक्षीस.

अहिल्यानगर शहरातील अजिंक्य फिटनेस क्लबने आयोजित केलेल्या जिल्ह्यातील पहिल्याच ४५ दिवसीय फॅट लॉस स्पर्धेला ४५० हून अधिक स्पर्धकांचा जबरदस्त प्रतिसाद मिळाला. प्रॉपर डाएट, न्यूट्रिशन्स आणि तज्ञांच्या मार्गदर्शनाखाली व्यायामाद्वारे स्पर्धकांनी ४५ दिवसांत प्रभावीपणे फॅट कमी केले. या स्पर्धेत स्पर्धक गोरख खंडागळे यांनी तब्बल प्रथम क्रमांक पटकावला.

आज या स्पर्धेचा समारोप आणि बक्षीस वितरण सोहळा पार पडला. शहराचे आमदार संग्राम जगताप यांच्या हस्ते विजेत्यांना गौरविण्यात आले. विजेत्यांना एक लाख रुपयांची रोख रक्कम, मानपत्र आणि मानचिन्ह प्रदान करण्यात आले. यावेळी संग्राम जगताप यांनी तज्ज्ञांच्या सल्ल्यानुसार योग्य आहार आणि व्यायाम करण्याचे महत्त्व पटवून दिले आणि गायकवाड कुटुंबियांनी राबवलेल्या या आगळ्यावेगळ्या उपक्रमाचे कौतुक केले.