* नाशिकच्या मालेगावमध्ये चिमुरडीवर अत्याचार आणि निर्घृण हत्या.
* आरोपी विजय खैरनारला तात्काळ फाशी देण्याची मागणी.
* खटला जलदगती न्यायालयात चालवण्यासाठी नागरिकांचा आग्रह.
* महाराणा प्रताप चौकात सर्वपक्षीय मेणबत्ती आंदोलन.
नाशिक जिल्ह्यातील मालेगाव तालुक्यातील डोंगराळे गावातील साडेतीन वर्षांची चिमुरडी यज्ञा जगदीश दुसाने हिच्यावर अत्याचार करून, दगडाने ठेचून तिचा निर्घृण खून करण्यात आला आहे. या धक्कादायक घटनेनंतर आता छत्रपती संभाजीनगरात तीव्र संताप व्यक्त केला जात आहे.
या प्रकरणातील आरोपी विजय संजय खैरनार याला तात्काळ फाशीची शिक्षा देण्यात यावी, तसेच हा खटला जलदगती न्यायालयात चालवावा, या मागण्यांसाठी नागरिकांनी आक्रमक पवित्रा घेतला आहे. याच पार्श्वभूमीवर छत्रपती संभाजीनगरातील बजाज नगर येथील महाराणा प्रताप चौकात सर्वपक्षीय आणि सर्वधर्मीय नागरिकांच्या वतीने हातात मेणबत्ती धरून या घटनेचा जोरदार निषेध करण्यात आला.
एनटीव्ही न्यूज मराठी, छत्रपती संभाजीनगर.