YAVATMAL | 🛑 रेती तस्कर आणि महसूल प्रशासनाच्या बेकायदेशीर कृत्यांवर नियंत्रण मिळवण्यासाठी या निवेदनाद्वारे अधिक प्रभावी आपण अंमलबजावणी करावी ही नम्र विनंती…

• यवतमाळच्या वणी उपविभागात अवैध रेती तस्करी शिगेला.
  
• महसूल विभागाचे दुर्लक्ष, संगनमताचा थेट आरोप.
  
• जप्त रेती घरकुल लाभार्थ्यांना बेकायदेशीरपणे वाटप.
  
• शासनाच्या आदेशाला केराची टोपली; कठोर कारवाईची मागणी.

यवतमाळ जिल्ह्यातील वणी उपविभागात सर्वात जास्त वणी तालुक्यात होणारी अनधिकृत रेती तस्करी आणि त्यामुळे होणारे पर्यावरणीय नुकसान गंभीर स्वरूपाचे आहे. त्यामुळे पावसाळ्यात दरवर्षीच गाव आणि शेत पुरामुळे प्रभावित होऊन जीवितहानी व वित्तहानी होत असतानाही, यावर नियंत्रण मिळवण्यासाठी महसूल प्रशासन बेकायदेशीर कृत्यांवर दुर्लक्ष करत असल्याचा गंभीर आरोप करण्यात आला आहे. आमच्या भागात महसूल विभागातील संबंधित अधिकाऱ्यांचे दुर्लक्ष किंवा संगनमत असल्याशिवाय लेआउट व इतर ठिकाणी खुलेआम रेतीचा साठा उघड्या डोळ्यांनी दिसतोय, असे निवेदनात नमूद आहे.

मौजा वणी तालुका वणी येथील दिनांक १८ नोव्हेंबर २०२५ रोजी मौजा साखरा को. येथील कंपनीच्या जागेवर आढळलेल्या अवैध वाळू साठवणुकीवर स्थानिक तलाठी यांनी कारवाई करून त्याच दिवशी वाळूची विल्हेवाट लावली. मात्र, संबंधित सर्व नोंदी उपलब्ध नसताना सदर रेती तहसीलदाराच्या तोंडी आदेशावर घरकुल लाभार्थ्याला वाटप करण्यात आली, हा बेकायदेशीर आदेश असल्याचा दावा करण्यात आला आहे. रॉयल्टीवर नमूद असलेल्या रेतीपेक्षा जास्त रेती भरलेल्या वाहनांवर कारवाई करूनही महसूल प्रशासनाने पोलीस कारवाई करणे अनिवार्य असताना दंड ठोठावून तस्करांना मोकळीक दिली. यामुळे शासनाच्या आदेशाला केराची टोपली दाखवल्याप्रकरणी महसूल अधिकाऱ्यावर कारवाई अपेक्षित आहे. या तस्करीमुळे रेतीचा तुटवडा पडल्याने गरीब घरकुल लाभार्थ्यांच्या घराचे स्वप्न धुळीस मिसळले असून, तातडीने चौकशी करून दोषींवर कठोर कारवाई करावी, अशी मागणी निवेदनाद्वारे करण्यात आली आहे.

एनटीव्ही न्यूज मराठी, यवतमाळ