४ जानेवारीला अकोल्यात मुख्यमंत्री देवेंद्र फडणवीस यांची भव्य जाहीर सभा..!

• अकोला महानगरपालिका निवडणुकीचा शंखनाद..!
• महायुतीच्या ७६ उमेदवारांच्या प्रचारासाठी ‘देवाभाऊ’ येणार अकोल्यात..!

अकोला प्रतिनिधी (दि. ०१ जानेवारी)

अकोला: अकोला महानगरपालिका निवडणुकीच्या रणधुमाळीत आता राज्याचे मुख्यमंत्री देवेंद्र फडणवीस स्वतः उतरणार आहेत. महायुतीच्या (भाजप-राष्ट्रवादी काँग्रेस-शिवसेना) उमेदवारांच्या प्रचारार्थ रविवार, ४ जानेवारी २०२६ रोजी सकाळी १० वाजता अकोल्यातील स्थानिक क्रिकेट क्लब मैदान येथे त्यांची भव्य जाहीर सभा आयोजित करण्यात आली आहे.

सभेचा तपशील

नियोजन आणि जय्यत तयारी

या ऐतिहासिक सभेच्या यशस्वीतेसाठी भारतीय जनता पक्षाने कंबर कसली असून, सभेच्या नियोजनासाठी ३५ वेगवेगळ्या समित्या स्थापन करण्यात आल्या आहेत. या सभेचे नेतृत्व खालील प्रमुख नेते करत आहेत:

• आमदार रणधीर सावरकर (भाजप प्रदेश सरचिटणीस)
• अनुप धोत्रे (खासदार)
• ऍड. आकाश फुंडकर (पालकमंत्री)
• आमदार वसंत खंडेलवाल, हरीश पिंपळे, प्रकाश भारसाकले
• जयंत मसने (जिल्हाध्यक्ष) व अन्य पदाधिकारी.

निवडणूक प्रमुखांचे आवाहन

निवडणूक प्रमुख विजय अग्रवाल यांनी माहिती दिली की, महायुतीचे ‘ट्रिपल इंजिन’ सरकार महानगरपालिकेत आणण्यासाठी आणि शहराच्या विकासाला गती देण्यासाठी ही सभा मैलाचा दगड ठरेल. शहरातील प्रत्येक मतदाराने महायुतीच्या उमेदवारांना आशीर्वाद देण्यासाठी आणि सभेला मोठ्या संख्येने उपस्थित राहण्याचे आवाहन त्यांनी केले आहे.

“अकोल्याच्या विकासासाठी आणि लाडक्या बहिणींच्या भावाला साथ देण्यासाठी अकोलेकर मोठ्या संख्येने सहभागी होतील, असा आम्हाला ठाम विश्वास आहे.” – विजय अग्रवाल (निवडणूक प्रमुख)

प्रतिनिधी अमोल जामोदे,

एन.टी.व्ही. न्यूज, बाळापूर, अकोला.