♦️ कूपनलिकेच्या नोंदीसाठी मागितली लाच
♦️ तडजोडीनंतर एक हजारांची मागणी
♦️ लाच स्वीकारताना तलाठी रंगेहाथ पकडला
♦️ यावलच्या आमोदा गावातील कारवाई
♦️ जळगाव एसीबीच्या पथकाची कारवाई
♦️ महसूल वर्तुळात खळबळ उडाली
JALGAON | यावल तालुक्यातील आमोदा गावात सातबारा उताऱ्यावर कूपनलिकेची नोंद करण्यासाठी तडजोडीनंतर एक हजार रुपयांची लाच स्वीकारताना तलाठ्याला जळगाव एसीबीने अटक केली आहे. या कारवाईमुळे महसूल वर्तुळात खळबळ उडाली आहे.
तक्रारदार शेतकरी असून, त्यांच्या सातबारा उताऱ्यावर कूपनलिकेची नोंद करण्यासाठी आमोदा तलाठी शैलेश झोटे यांनी लाचेची मागणी केली होती. तक्रारदाराने याबाबत तक्रार दिल्यानंतर जळगाव एसीबीने सापळा रचला.
मंगळवारी ठरल्याप्रमाणे लाचेची रक्कम देण्याचे निश्चित झाले. त्यानुसार तक्रारदार आमोदा ग्रामपंचायत कार्यालयाच्या बाजूला असलेल्या कार्यालयाजवळ आले. यावेळी तलाठी शैलेश झोटे यांनी लाच स्वीकारली. तक्रारदाराने इशारा करताच एसीबीच्या पथकाने तलाठी झोटे यांना अटक केली.
या कारवाईने आमोदासह यावल तालुक्यातील महसूल वर्तुळात खळबळ उडाली आहे. जळगाव जिल्ह्यात दुष्काळ जाहीर झाल्यानंतर शेतकरी आधीच अडचणीत असताना महसूल प्रशासनातील लाचखोरीचा प्रकार समोर आला आहे.
हा सापळा जळगाव एसीबीचे पोलीस उपअधीक्षक योगेश ठाकूर यांच्या मार्गदर्शनाखाली पोलीस निरीक्षक स्मिता नवघरे व त्यांच्या सहकाऱ्यांनी रचून कारवाई केली.
एनटीव्ही न्यूज मराठी | यावल, जळगाव
#Jalgaon #Yawal #Amoda #ACB #BribeCase #Talathi #AntiCorruption #MaharashtraNews #BreakingNews #MarathiNews #NTVNewsMarathi #जळगाव #यावल #लाचखोरी #एसीबी #तलाठी