पत्रकारांचे हक्क, सुरक्षितता आणि विविध समस्या सोडविण्यासाठी कार्यरत असलेल्या व्हॉईस ऑफ मीडिया संघटनेची शिरूर अनंतपाळ तालुका कार्यकारिणी जाहीर झाली आहे. अध्यक्षपदी सोमनाथ स्वामी डिगोळकर, तर संघटकपदी अजिम मुल्ला यांच्यासह विविध पदाधिकाऱ्यांची निवड करण्यात आली आहे.
लातूर जिल्ह्यातील शिरूर अनंतपाळ येथे पत्रकारांच्या हक्कांचे संरक्षण, त्यांच्या समस्या सोडविणे आणि पत्रकारितेच्या क्षेत्रात एकजूट निर्माण करण्याच्या उद्देशाने कार्यरत असलेल्या व्हॉईस ऑफ मीडिया या संघटनेच्या तालुका कार्यकारिणीची घोषणा करण्यात आली आहे.
तालुका अध्यक्षपदी सोमनाथ वैजनाथ स्वामी डिगोळकर यांची निवड करण्यात आली असून, उपाध्यक्षपदी राजकुमार काळे, सरचिटणीसपदी शिवानंद भुसारे, सहसरचिटणीसपदी शंकर मिटकर यांची नियुक्ती करण्यात आली आहे. तसेच कोषाध्यक्षपदी राम सुमठाणे आणि मल्हारी शिंदे, सहकोषाध्यक्षपदी मनोज बिरादार, तर प्रसिद्धी प्रमुखपदी गोविंद श्रीमंगल यांची निवड करण्यात आली आहे.
संघटक म्हणून शरद रामशेटे, अजिम मुल्ला आणि संजीव कांबळे यांच्यावर जबाबदारी सोपविण्यात आली आहे.
महाराष्ट्रासह देशभरात आणि १५ विदेशी देशांमध्ये कार्यरत असलेल्या व्हॉईस ऑफ मीडिया संघटनेच्या माध्यमातून पत्रकारांचे प्रश्न मांडणे, त्यांच्या हक्कांचे संरक्षण करणे, पत्रकारांची सुरक्षितता व सन्मान जपणे आणि पत्रकारांमध्ये समन्वय वाढविण्यासाठी प्रयत्न केले जाणार आहेत.
यावेळी राज्य उपाध्यक्ष संगम कोटलवार, जिल्हा पदाधिकारी दीपतरत्न निलंगेकर, काकासाहेब घुटे, विनोद निला, बालाजी फड यांच्यासह तालुक्यातील बहुसंख्य पत्रकार बांधव उपस्थित होते.
पत्रकारांना काम करताना येणाऱ्या अडचणी, त्यांच्या न्याय्य मागण्या आणि विविध प्रश्न शासन व प्रशासनापर्यंत पोहोचविण्यासाठी संघटना प्रभावीपणे काम करणार आहे. तसेच पत्रकारांमध्ये एकजूट निर्माण करणे, परस्परांना सहकार्य करणे आणि सामाजिक उपक्रमांच्या माध्यमातून संघटनेचे कार्य अधिक व्यापक करण्यावर भर दिला जाणार आहे.
नूतन कार्यकारिणीच्या माध्यमातून शिरूर अनंतपाळ तालुक्यात व्हॉईस ऑफ मीडियाचे संघटन अधिक मजबूत होऊन पत्रकारांच्या हितासाठी प्रभावीपणे कार्य केले जाईल, असा विश्वास यावेळी व्यक्त करण्यात आला.
व्हॉईस ऑफ मीडिया – शिरूर अनंतपाळ तालुका कार्यकारिणी
- अध्यक्ष: सोमनाथ वैजनाथ स्वामी डिगोळकर
- उपाध्यक्ष: राजकुमार काळे
- सरचिटणीस: शिवानंद भुसारे
- सहसरचिटणीस: शंकर मिटकर
- कोषाध्यक्ष: राम सुमठाणे, मल्हारी शिंदे
- सहकोषाध्यक्ष: मनोज बिरादार
- प्रसिद्धी प्रमुख: गोविंद श्रीमंगल
- संघटक: शरद रामशेटे, अजिम मुल्ला, संजीव कांबळे