अहमदनगर : व्रती व्यक्तीचा गौरव निश्चितच आनंददायी

अहमदनगर : साईनाथ कावट : पत्रमहर्षी स्व.मोहनलालजी बियाणी पत्रकारिता पुरस्काराबद्दल राजेश सटाणकर यांचा सत्कार
नगर : सकारात्मक काम करताना आपल्याच क्षेत्रातील व्रात्य लोक व्रती लोकांना त्रास देतात, तणावावर मात करून सकारात्मक काम सुरू ठेवणं हा सटाणकर यांच्या बाबतीतील अनुभव आहे.पत्रकारितेतून सामान्यांना महत्त्व देणारे सटाणकर हे असामान्य व्यक्तिमत्व आहे.पत्रकारिता निष्ठेने करून सामाजिक जाणीव ठेवून ते समाजात कार्यरत आहेत.हनुमान मंदिरातही त्यांचा सहभाग आहे.अशा व्यक्तीचा गौरव निश्चितच आनंददायी आहे असे प्रतिपादन उपनिबंधक कार्यालयातील सेवानिवृत्त अधिकारी साईनाथ कावट यांनी केले.

पत्रमहर्षी स्व.मोहनलालजी बियाणी राज्यस्तरीय पत्रकारिता पुरस्कार सटाणकर यांना जाहीर झाला याबद्दल झेंडीगेट हनुमान मंदिरात भक्त मंडळाच्या वतीने सत्कार करण्यात आला यावेळी श्री कावट बोलत होते.याप्रसंगी शिवनारायण वर्मा,विजय खंडेलवाल, बद्रीनाथ राठी, मधुकर शहाणे,नंदलाल झंवर, पापालाल लढ्ढा,रामप्रसाद हेडा, राजू आखमोडे, सुरेश झंवर,आसाराम धाडगे, सतीश खंडेलवाल, रामदास कावट आदी उपस्थित होते. प्रारंभी हनुमानाची आरती करण्यात आली आयोजक शिवनारायण वर्मा यांनी स्वागत व प्रास्ताविक केले तर श्री कावट यांनी नवीन वर्षाच्या सर्वांना शुभेच्छा दिल्या सत्कार सोहळा आणि नववर्षाचे स्वागत प्रित्यर्थ मंदिरात प्रसाद वाटप करून कार्यक्रमाचा समारोप करण्यात आला.शेवटी राजु आखमोडे यांनी आभार मानले