“जुगार विरोधी कारवाई”
उस्मानाबाद : (सचिन बिद्री) स्थानिक गुन्हे शाखेच्या सपोनि शैलेश पवार यांना दि.७ ऑगस्ट रोजी प्राप्त गोपनीय खबर आधारे उस्मानाबाद शहरातील सांजा चौक रस्त्याजवळील विद्यामाता इंग्लीश स्कुलच्या पाठीमागे श्रीकांत डोके यांच्या पत्रा शेडमध्ये काही ईसम जुगार खेळत असलेबाबत गुप्त तथा खात्रीशीर माहिती मिळाली होती. यावर स्था.गु.शाखेच्या पथकाने नमूद ठिकाणी ६ ते ७ च्या सुमारास नमूद ठिकाणी छापा टाकला असता तेथे श्रीकांत डोके,नितीन वडवले,रमन जाध,अझहरोद्दीन शेख, सचिन राऊत, स्वप्नील शिंदे,एजाज शेख,अरविंद गोरे,अहमद शेख, संपत शेरखाने,महादेव वाडकर, गोविंद चव्हाण, सर्व रा. उस्मानाबाद हे सर्व लोक तिरट नावाचा जुगार खेळत
असताना आढळून आले. त्यांच्याकडून जुगार साहित्यासह २ चारचाकी वाहने, ६ दुचाकी वाहने, १२ भ्रमणध्वनी व रोख रक्कम असा एकुण २१,०८,९५०₹ चा मुद्देमाल पोलीसांनी जप्त करुन त्यांच्याविरुध्द महाराष्ट्र जुगार प्रतिबंधक कायदा कलम- ४,५ अंतर्गत उस्मानाबाद (श.) पो.ठा. येथे गुन्हा नोंदवन्यात आला आहे.
सदरची कामगिरी मा.पोलीस अधीक्षक अतुल कुलकर्णी,अपर पोलीस अधीक्षक नवनीत काँवत यांच्या मार्गदर्शनाखाली स्थानिक गुन्हे शाखेचे प्रभारी पोनि रामेश्वर खनाळ,सपोनि शैलेश पवार,पोहेका विक्रम माने,हुसेन सय्यद,पोना अमोल चव्हाण,पोकॉ रविंद्रआरसेवाड,योगेश कोळी, साईनाथ आशमोड,सहाने यांच्या पथकाने केली आहे.