गोंदिया : उत्तर देवरी वनपरिक्षेत्रात दिनांक 28/09/2022 रोजी मुल्ला सहवनक्षेत्रातील झुंझारीटोला बिट संरक्षीत वन कक्ष क्र. 1614 मध्ये दोन सागवन थुट निदर्शनास आले होते. सदर थुटांवरुन चोरीला गेलेल्या मालाचा शोध घेण्यात आला. त्यावेळी मिळालेल्या गुप्त माहितीच्या आधारे मौजा जमनापुर ता.देवरी जि.गोंदिया येथील गोपाल काशिराम गेडाम व गोपाल श्रीपत भंडारी यांच्या राहत्या घराची झडती घेतली असता, त्यांच्याकडुन सागवन 03 नग घ.मी. 0.459 व सागवन चिराण माल 48 नग घ.मी.1.166 एकुण 65154/- किंमतीचा मुददे माल हस्तगत करण्यात आला.
दोन्ही आरोपींवर भारतीय वन अधिनियम 1927 चे कलम 33(1) क फं, 41 (1), 42 (1), 51 व 52 महाराष्ट्र वननियमावली 2014 चे कलम 31 अन्वये वनगुन्हा नोंद करुन अटक करण्यात आली. न्याय दंडाधिकारी प्रथम वर्ग न्यायालय देवरी यांनी प्रकरणाच्या पुढील चौकशीकरीता आरोपींना पाच दिवसाची न्यायालयीन वन कोठडी रिमांड मंजुर केली. पुढील तपास मा.कुलराज सिंह, उपवनसंरक्षक वनविभाग गोंदिया, मा.प्रदिप पाटील, सहाय्यक वनसंरक्षक (रोहयो व वन्यजिव) गोंदिया व श्री. सचिन धात्रक, वनपरिक्षेत्र अधिकारी उत्तर देवरी यांच्या मार्गदर्शनाखाली श्री.जी.सी.टवरे, वनपाल मुल्ला व श्री. एस.व्ही. भदाने, वनरक्षक झुंझारीटोला करीत आहेत. सदर कार्यवाहीत उत्तर देवरी वनपरिक्षेत्रातील श्री.पी.टी.कामडी, वनपाल, श्री.एम.व्ही.कोरे, वनपाल, श्री.एस.एम.उके,श्री.ए.एम.अंबादे,श्री.पी.पी.रुपनर,श्री.के.बी.कापसे, वनरक्षक तसेच श्री.आर.जी.मडावी, व श्री.आर.सी.उके, वनमजुर सहभागी होते.