सचिन बिद्री:धाराशिव
जीवनात संघर्ष असतोच या संघर्षाला सामोरे जाताना आपली स्वप्न पूर्ण करण्यासाठी ज्ञान आणि कौशल्या बरोबरच मूल्य आणि संस्कार जपले पाहिजेत, उज्वल भविष्यासाठी स्वप्न सत्यात आणावी लागतील आणि स्वप्न सत्यात उतरवण्यासाठी संघर्ष करावा लागेल, त्यासाठी संवेदनांचा स्वीकार आणि दांभिकतेला दूर करून आयुष्य घडवावे असे मत कोल्हापूर येथील मा. युवराज पाटील यांनी व्यक्त केले.
उमरगा शहरातील श्री छत्रपती शिवाजी महाविद्यालयात आयोजित कर्मयोगी श्रीधररावजी मोरे व्याख्यानमालेचे पहिले पुष्पगुंतला ते बोलत होते. व्याख्यानमालेचे उद्घाटन भारत शिक्षण संस्थेचे सहसचिव डॉ. सुभाष वाघमोडे यांनी केले. कार्यक्रमाच्या अध्यक्षस्थानी मा. भानुदासराव माने होते. याप्रसंगी भारत शिक्षण संस्थेचे अध्यक्ष मा. अमोल मोरे मा. सुरेश दाजी बिराजदार, मा. अशोकरावजी पाटील प्राचार्य डॉ. संजय अस्वले यांची प्रमुख उपस्थिती होती.
पुढे बोलताना मा. युवराज पाटील म्हणाले की,सध्याच्या काळात तरुणांमध्ये संवेदनांपेक्षा दांभिकतेला महत्त्व दिले जात आहे. प्रगतीच्या नावाखाली आम्ही संवेदना विसरतो आणि दांभिकतेला महत्त्व देतो त्यामुळे आम्हाला आमचे भविष्य उज्वल करायचे असेल तर आयुष्याकडून आम्हाला काय हवे आहे हे ठरवावे लागेल. आमच्या क्षमता आणि मर्यादांची ओळख जर योग्य वयात झाली नाही तर भविष्य कठीण असल्याचे मत यावेळी त्यांनी बोलताना व्यक्त केले. अपयश सर्वांच्याच वाट्याला येते परंतु आपल्या क्षमतांचा योग्य वापर केल्यास भविष्य उज्वल बनेल असा विश्वास त्यांनी व्यक्त केला.
याप्रसंगी उपप्राचार्य डॉ. पद्माकर पिटले, प्रा. शैलेश महामुनी, प्राचार्य डॉ. घनश्याम जाधव, डॉ. डी. बी. ढोबळे, प्रभारी प्राध्यापक डॉ. अशोक पदमपल्ले, प्रा. एम. डी. साळुंके, रोटरी चे अध्यक्ष डॉक्टर मेनकुदले सचिव जोशी माझी उपप्राचार्य चंद्रकांत डॉक्टर चंद्रकांत बिराजदार प्राध्यापक बी एन गायकवाड प्राध्यापक तडोळगे निवृत्त प्राध्यापक व शिक्षकेतर कर्मचारी निमंत्रित एडवोकेट शुभदा पोतदार रेखा सूर्यवंशी हरिप्रसाद चांडक प्रशांत कुलकर्णी महाविद्यालयातील प्राध्यापक आणि विद्यार्थी मोठ्या संख्येने उपस्थित होते. व्याख्यानमालेच प्रास्ताविक प्राचार्य डॉ. संजय अस्वले यांनी केले तर सूत्रसंचालन आणि उपस्थितांचे आभार डॉ. समाधान पसरकल्ले यांनी केले.