ज्ञानज्योती पुरस्कार वितरण सोहळ्याच्या नियोजनासंदर्भात बैठक संपन्न.

(सचिन बिद्री:उमरगा)

धाराशिव जिल्ह्यात ज्ञानज्योती सामाजिक बहुउद्देशीय संस्था उमरगाच्या वतीने दरवर्षी ज्ञानज्योती गुणवंत विद्यार्थी सत्कार व ज्ञानज्योती पुरस्कार वितरण सोहळ्याचे आयोजन करण्यात येते.
यावर्षी दि.23 जून 2024 रोजी होणाऱ्या पुरस्कार वितरण सोहळ्याच्या नियोजनासंदर्भात शासकीय विश्रामगृह उमरगा येथे मराठवाडा युवासेना निरीक्षक किरण गायकवाड यांच्या अध्यक्षतेखाली बैठक संपन्न झाली.
बैठकीत युवासेना मराठवाडा निरीक्षक किरण गायकवाड यांनी पुरस्कार्थी, पालक व विद्यार्थ्यांची बैठक व्यवस्था करणे, पालक व विद्यार्थ्यांना बस स्थानक येथून कार्यक्रम स्थळी येण्यास मदत करणे, जेवणाची चोख व्यवस्था करणे आदीबाबत सूचना केल्या.
यावेळी उमरगा तालुकाप्रमुख बळीराम सुरवसे, लोहारा तालुकाप्रमुख जगन पाटील, शेतकरी सेना तालुकाप्रमुख शाहूराज सावंत, सर्व उपतालुकाप्रमुख, लोहारा नगरसेवक, विभाग प्रमुख, गणप्रमुख, पदाधिकारी व कार्यकर्ते मोठ्या संख्येने उपस्थित होते.