👉🏻लाडक्या बहीणीं साठी जीआर, तीन सिलेंडर मोफत मिळणार.

राज्यातील लाडक्या बहिणींसाठी वर्षाला तीन गॅस सिलेंडर मोफत मिळणार असल्याचा जीआर नुकताच राज्य सरकारने प्रसिद्ध केला आहे. प्रधानमंत्री उज्ज्वला योजनेंतर्गत पात्र असलेले लाभार्थी या योजनेसाठी पात्र असणार असून एका कुटुंबात शिधापत्रिकेनुसार केवळ एक लाभार्थी या योजनेस पात्र असणार आहे.

गॅस जोडणी महिलेच्या नावाने असणे आवश्यक
प्रधानमंत्री उज्ज्वला योजनेच्या लाभार्थ्यांना गॅस सिलेंडरचे नियमित वितरण हे तेल कंपन्यांमार्फत करण्यात येते. मुख्यमंत्री अन्नपूर्णा योजने अंतर्गत द्यावयाच्या तीन मोफत गॅस सिलेंडचे वितरणही तेल कंपन्यामार्फत करण्यात येईल.

१ जुलै २०२४ रोजी पात्र होणाऱ्या लाभार्थ्यांनाच योजनेचा लाभ देण्यात येईल. १ जुलै २०२४ नंतर विभक्त केलेल्या शिधापत्रिका या योजनेस पात्र ठरणार नाहीत. या योजनेचा लाभ मिळण्यासाठी गॅस जोडणी महिलेच्या नावाने असणे आवश्यक आहे.