👉🏻एसटी कर्मचारी पुन्हा संपावर जाणार..

राज्यातील एसटी कर्मचाऱ्यांनी पुन्हा एकदा आपल्या मागण्यांसाठी संप पुकारला आहे. येत्या ९ ऑगस्टपासून एसटी महामंडळातील १३ संघटनांनी संप पुकारला आहे. यामुळे राज्यात एसटी थांबणार की काय? अशी परिस्थिती निर्माण झाली आहे.

९ ऑगस्टपासून संपाचे हत्यार उपासणार
महाराष्ट्रातील एसटी कर्मचाऱ्यांनी २०२१ मध्ये दीर्घ आंदोलन केले होते. त्यावेळी एसटी बंद झाल्यामुळे राज्यातील दळणवळण पुरते ठप्प झाले. सलग ५४ दिवस सुरू असलेला संप मागे २० डिसेंबर २०२१ रोजी मागे घेतला होता. राज्य शासकीय कर्मचाऱ्यांप्रमाणे एसटीच्या कर्मचाऱ्यांना वेतन देण्यात यावे, कामगार कराराच्या तरतुदीनुसार शासकीय कर्मचाऱ्यांना देय होणारा थकबाकी महागाई भत्ता मिळावा, घरभाडे भत्ता व वार्षिक वेतनवाढ थकबाकी अदा करावी, सर्वच कामगारांच्या मूळ वेतनात सरसकट ५००० रुपयांची वाढ करावी, आदी मागण्यांसाठी एसटी कर्मचारी येत्या ९ ऑगस्टपासून संपाचे हत्यार उपासणार आहे.