सिध्दार्थ सोनकांबळे यांच्या संकल्पनेतून आदर्श उपक्रम
सचिन बिद्री:उमरगा
भारतीय संविधानाचे जनक भारतरत्न डॉ.बाबासाहेब आंबेडकर यांची १३४ वी जयंती मोठ्या उत्साहात साजरी करण्यात आली. (दि.१४) रोजी शहरातील भीम नगर येथील किंग बहुउद्देशीय सामाजिक संस्थेच्या वतीने भारतरत्न डॉ. बाबासाहेब आंबेडकर यांच्या जयंतीनिमित्त अभिवादन करून विविध सामाजिक उपक्रम राबविण्यात आले.
यावेळी शिवसेना उपनेते तथा मा. ज्ञानराज चौगुले, मराठवाडा निरीक्षक किरण गायकवाड,अँड. आकांक्षाताई चौगुले, शरद पवार,पो. नि. अश्विनी भोसले यांच्या हस्ते भारतरत्न डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले.
जयंतीचे औचित्य साधून किंग बहुउद्देशीय सामाजिक संस्थेच्या वतीने एकूरगावाडी येथील तुळजाभवानी अनाथ अपंग मंतीमंद शाळेतील विद्यार्थ्यांना बसण्यासाठी बेंच आणि येथील सर्व विद्यार्थ्यांना खाऊ वाटप करण्यात आले.
किंग बहुउद्देशीय सामाजिक संस्थेचे संस्थापक अध्यक्ष सनी सोनकांबळे यांच्या मार्गदर्शनाखाली, सिद्धार्थ सोनकांबळे यांच्या संयुक्त विद्यमाने समता सैनिक दलातील महिला व माता भगिनी यांना साड्या व समता सैनिक दलातील पुरुष बंधूंना लाठी वाटप करण्यात आले.
यावेळी सनी सोनकांबळे, सिद्धार्थ सोनकांबळे, शुभम सुरवसे, सचिन कांबळे, प्रतिक सुरवसे, ओमकार रणदिवे, शेखर सरपे, रोहित सरपे, ऋषिकेश सरपे, समर्थ सोनकांबळे, विशाल सोनकांबळे, प्रशांत कांबळे, प्रबुद्ध सरपे, बालाजी सुरवसे, शंकर कांबळे, समीर कांबळे, अनिकेत सोनकांबळे आदी उपस्थित होते.