वाशिम:
वाशिम पोलीस घटकामध्ये जिल्हा पोलीस अधिक्षक श्री अनुज तारे यांनी पदभार स्विकारल्यापासुन त्यांनी कोणत्याही प्रकारचे अवैध धंदे चालणार नाहीत, संपत्ती विषयक तसेच इतरही गुन्हे घडणार नाहीत, त्याला प्रतिबंध होईल याकरीता विशेष प्रतिबंधक उपाययोजना राबविल्या. सतत पेट्रोलींग, वेळोवेळी ऑपरेशन ऑल आउट, कोंबीग ऑपरेशन व नाकाबंदी सारख्या विशेष माहिमा राबवुन रेकॉर्डवरील व माहितगार गुन्हेगारांवर सतत पाळत ठेवुन आरोपीतांविरुध्द प्रभावी प्रतिबंधक कार्यवाहया करण्यात आल्या.
दि. १४.०७.२०२५ रोजी श्री. प्रदीप परदेशी, पोलीस निरीक्षक स्थानिक गुन्हे शाखा, वाशिम यांना मिळालेल्या गोपणीय बातमीद्वारे वाशिम व अकोला जिल्हयाचे हद्दीवर स्थानिक गुन्हे शाखेची टिम तात्काळ रवाना केली. टिमला दिलेल्या सुचनेप्रमाणे पेट्रोलींग करीत असतांना संशयीत वाहन आढळुन आल्याने अकोला ते वाशिम रोड वरील मेडशी टि पॉईट वरील जयभोले धाब्यासमोर सदर वाहनाची पंचासमक्ष तपासणी केली असता वाहनामध्ये पान मसाला, सुगंधीत तंबाखु, मिळुन आल्याने आरोपी अब्दुल सादीक अब्दुल रफीक वय २६ वर्ष, रा. एकता चौक, शिवणी अकोला याचेसह वाहनामधील गुटखा पान मसाला व सुगंधीत तंबाखु किंमत ६,७६, ४६०/- रुपये व महिंद्रा बोलेरो मॅक्स पिकअप वाहन किंमत ९,००,०००/- रुपये असे एकुण १५,७६, ४६०/- रुपयांचा मुद्देमाल पुढील कारवाई करीता पोलीस स्टेशन मालेगाव यांचे ताब्यात दिला आहे.सदर कारवाई मा. श्री अनुज तारे, पोलीस अधिक्षक वाशिम, मा. श्रीमती लता फड, अपर पोलीस अधिक्षक, मा. श्री नवदीप अग्रवाल, सहायक पोलीस अधिक्षक यांचे मार्गदर्शनात पोलीस निरीक्षक, स्थानिक गुन्हे शाखा, श्री पदीप परदेशी, सपोनि. योगेश धोत्रे, अंमलदार विनोद सुर्वे, ज्ञानदेव म्हात्रे, अमोल इरतकर, गोपाल चौधरी, संतोष वाघ, सर्व स्थागुशा वाशिम यांनी मोलाची कामगीरी बजावली आहे. याबाबत वरीष्ठ पातळीवर सुध्दा दखल घेण्यात आली आहे.
प्रतीनिधी फुलचंद भगत
एनटीव्ही न्यूज मराठी, वाशिम.